Foto: Kazakh Tourism
Shyǵys Qazaqstandaǵy Korobiha aýyly elimizdiń jańa týristik tartylys ortalyqtarynyń birine ainalyp keledi, dep habarlaidy Ult.kz.
2024 jyly bul kórikti eldi mekendi 2,5 myńǵa jýyq týrist tańdap, Jańa Zelandiia, AQSh, Frantsiia, BAÁ jáne Ońtústik Koreiadan kelgen qonaqtardy qabyldaǵan.
Katonqaraǵai ulttyq parkiniń aýmaǵynda ornalasqan Korobiha búginde saiahatshylarǵa 170-ten astam bólme usyna alatyn 11 qonaqúi men úi-jailary bar. Kóptegen meimandar munda ortasha eseppen 2–3 kúnge aialdap, tabiǵatpen etene aralasyp, etnografiialyq jáne gastronomiialyq baǵyttardy tamashalaidy.
Foto: Kazakh Tourism
Aýyl jyl on eki ai týrist qabyldaidy:
• qysta – orman arasyndaǵy tynysh serýender;
• kóktem men jazda – Buqtyrma ózeninde júzý, atqa minip serýendeý, balyq aýlaý;
• maýsym kezinde – omarta sharýashylyǵyna ekskýrsiialar men bal óndirý protsesin kórý múmkindigi bar.
Korobihanyń mádeni murasy da nazar aýdararlyq: munda ara sharýashylyǵy murajaiy, ólketaný murajaiy jáne qalpyna keltirilgen kóne shirkeý jumys isteidi. Qonaqtarǵa úi taǵamdarynan dám tatý, qysh qumyralarmen jáne qoljazba kitaptarmen tanysý, sondai-aq dástúrli qolóner túrlerin kórý usynylady.
Saiahatshylar qatary jyl saiyn artyp kele jatqan Korobiha Qazaqstannyń týristik kartasynda tanymal jańa baǵytqa ainaldy.
