«Nur Otan» partiiasynyń ishki sailaýy aiaqtaldy. Praimerizge qatysýshylar sailaý týraly óz pikirlerin bildirdi, dep habarlaidy "Ult aqparat".
Almaty qalasy fizika-matematika baǵytyndaǵy Nazarbaev ziiatkerlik mektebiniń direktory Juldyz Súleimenova Medeý aýdany boiynsha praimerizge qatysqan.
«Aldyn ala qorytyndyǵa sáikes, 4980 adamnyń 2639-y maǵan daýys berdi. Senim bildirip, qoldaý tanytqandaryńyz úshin kóp rahmet aitamyn! Orta bilim salasynyń kásibi mamany, Almaty qalasynyń 61 orta bilim berý uiymyna jańartylǵan bilim mazmunyn taratýdy negizgi uiymdastyrýshy retinde men úshin sapaly bilimge qojetimdilikti qalyptastyrý negizgi basym mindet bolyp qala beredi. Budan bólek, jastardyń azamattyq pozitsiiasyn damytýǵa qatysty jobalardyń avtory ári óskeleń urpaqqa tárbie berý metodology retinde jastar men qazaqstandyq otbasy máseleleri de únemi nazarymda», - dep jazdy J. Súleimenova áleýmettik jelide.
Sonymen birge, Aiagóz qalasyndaǵy №6 jalǵy bilim beretin mektep-internattyń direktory, 991 daýys jinaǵan Lázzat Moldasheva praimerizdiń yńǵaily ári ashyq uiymdastyrylǵanyn jetkizdi.
«Ustazdar merekesine taǵy bir syilyq. Praimerizge qatysý múmkindigi úshin «Nur Otan» partiiasyna jeke alǵysymdy bildiremin. Bul tarihi shara elimizde alǵash ret bolyp otyr. Barlyǵy barynsha yńǵaily jáne ashyq túrde uiymdastyryldy. Úlken jumys atqaryldy. «Nur Otan» partiiasy adal ári ashyq ishki partiialyq sailaý ótkizýge ymyrasyz nietti. Aýdanymyzda men úshin 991 adam daýys berdi. Bul men úshin úlken mártebe. Meniń durys jolda ekendigimniń dáleli. Maǵan senim artqan barlyq partiia múshelerine úshin alǵys bildiremin!», - deidi L. Moldasheva.
Almaty qalasy Áýezov aýdanynyń úmitkeri M.O.Áýezov atyndaǵy Ádebiet jáne óner institýtynyń direktory Kenjehan Matyjanov turǵyndardyń 70 paiyzy daýys berýge qatysyp, belsendilik tanytqanyn atap ótti.
«Men, Almaty qalasy Áýezov aýdanymen óte tyǵyz qarym-qatynastamyn. Osy aýdanda on jyldan artyq turdym. Osy aýdannan qalalyq máslihatqa depýtat bolyp sailanyp, bes jyldai turǵyndarmen birge jumys istep kelemin. Áýezov aýdanynyń partiia filialy qaladaǵy eń úlken ujym bolyp sanalady. Quramynda toǵyz myńnan astam múshesi bar. Uly jazýshy atyndaǵy aýdan turǵyndary Praimeriz kezinde de uiymshyldyq tanyta bildi. «Nur Otan» partiiasy Áýezov aýdandyq filialynyń jetpis paiyzǵa jýyǵy daýys berip, belsendilik tanytty. Daýys bergen partiialas áriptesterdiń jetpis bes paiyzyna jýyǵy meniń baǵdarlamamdy unatypty. Bul men úshin úlken qoldaý, qaltqysyz senim jáne júktelgen jaýapkershilik. Amanattaryńyzǵa adal bolýǵa bar kúsh-jigerimdi aiamaimyn, ardaqty áýezovtikter. «Ulttyń jańa bolmysyn» birge qalyptastyraiyq!», - deidi Matyjanov.
Sondai-aq, almatylyq dáriger, №5 klinikalyq aýrýhana basshysy Bolat Sadyqov Almaty qalasynyń Medeý aýdanynan sailaýǵa qatysqan.
«Bizdiń elimizdiń tarihynda tuńǵysh ret keń aýqymdy partiiaishilik sailaý ótkizilýde. Praimeriz - bul halyqaralyq sailaý úderisindegi eń demokratiialyq ári ashyq is-sharalardyń biri. Praimeriz damyǵan elderdiń sailaý júiesinde keńinen qoldanylady. Praimeriz aiasynda bizdiń otandastarymyz óz usynystary men bastamalaryn aitýǵa, ár aimaqtyń, aýdannyń jáne eldimekenniń máselelerin kóterýge jáne keńinen talqylaýǵa múmkindik aldy. Nurotandyqtar praimeriz aiasynda uiymdastyrylǵan kezdesýler men is-sharalarǵa belsendi túrde qatysty. Barlyq is-sharalar týraly málimetter áleýmettik jeliler arqyly jariialandy. Partiiaishilik sailaý aiasynda men qoǵamnyń ártúrli salasyndaǵy azamattarmen jáne áleýmettik toptardyń múshelerimen kezdestim, Medeý aýdanyndaǵy kásiporyndardyń eńbek ujymdaryndaǵy bastaýysh partiia uiymdarynyń múshelerimen kóptegen onlain kezdesýler ótkizdim. Biz partiialastarymyzben birge syndarly usynystar men ózekti máselelerdi talqyladyq. Osy jumystar barysynda qoldaý kórsetken partiia múshelerine zor alǵys aitqym keledi», - deidi Bolat Sadyqov.
.jpeg)