Ortalyq sailaý komissiiasynyń múshesi Shavkat Ótemisov sheshim qabyldanýy úshin referendýmda qansha qazaqstandyq daýys berý kerek ekenin aitty, - dep habarlaidy Tengrinews.kz.
"Referendýmǵa qatysqandardyń 50 paiyzdan astamy jaqtap daýys berse, túzetýler qabyldanady", - dedi Ótemisov Senat kýlýarynda jýrnalister suraǵyna jaýap berip.
Onyń aitýy boiynsha, qatysýǵa niet bildirýshiler sailaý ýchaskesine kelip, biýlleten alyp, óz quqyǵyn bildirýi kerek.
Sondai-aq, OSK múshesi referendýmǵa otandyq jáne halyqaralyq baqylaýshylar qatysatynyn aitty.
"Basqa elder ókilderi de qatysýǵa niet bildirip jatyr. Iaǵni, referendýmǵa ishki jáne halyqaralyq baqylaýshylar qatysady. Árbir halyqaralyq baqylaýshy ózi qaraityn ýchaskeni tańdai alady", - dep túiindedi Ótemisov.
Eske salaiyq, 29 sáýirde Prezident Qasym-Jomart Toqaev Qazaqstanda Konstitýtsiiaǵa ózgerister men tolyqtyrýlar engizý jóninde referendým ótkizýdi usyndy.
