© Sputnik / Abzal Kaliev
Qazaqstanda ortasha jalaqy ósti, - dep habarlaidy Tengrinews.kz portaly Strategiialyq josparlaý jáne reformalar agenttiginiń Ulttyq statistika biýrosyna silteme jasap.
"Qazaqstanda 2022 jyldyń 4-toqsanynda ataýly jalaqynyń ortasha máni 338 715 teńge boldy. 2021 jyldyń sáikes kezeńimen salystyrǵanda ósim 22,9 paiyzdy, naqty mánde 2,8 paiyzdy qurady", - delingen habarlamada.
Bul rette, jalaqynyń medianalyq máni (eńbekaqy diapazonynyń ortalyq deńgeii) baǵalaýlar boiynsha 2022 jyldyń 4-toqsanynda 204 168 teńge.
"IV toqsandaǵy ortasha jalaqynyń ósýi jyl sońynda beriletin syilyqaqylar men merekelik tólemder esebinen jalaqy qorynyń ulǵaiýymen bailanysty. Ortasha jalaqyny esepteý kezinde jalaqy qory jumysshylar sanyna bólinedi. Derekterdi biz qyzmetkerler sany jáne jalaqy qory boiynsha biýroǵa esep bergen kásiporyndar men uiymdardan kelgen málimetter negizinde alamyz. Derekter kásipkerlik qyzmetpen ainalysatyn shaǵyn kásiporyndardy esepke almai usynylǵanyn atap ótý qajet", - dep túsindirdi Biýronyń eńbek jáne ómir súrý deńgeii statistikasy departamentiniń direktory Natalia Belonosova.
2021 jylǵy tiisti toqsanmen salystyrǵanda ortasha ailyq jalaqynyń eń joǵary ósimi qurylys - 42 paiyz, turý jáne tamaqtaný boiynsha qyzmet kórsetý - 32,6 paiyz, aqparat jáne bailanys - 31,9 paiyz salalarynda baiqaldy.
2021 jyldyń tiisti toqsanymen salystyrǵanda ortasha ailyq ataýly jalaqynyń tómendeýi kórsetiletin qyzmetterdiń ózge de túrlerin usyný salasynda baiqaldy - 2,4 paiyz.
Óńirlik bóliniste eń joǵary ósim Ulytaý oblysynda tirkeldi - 35,2 paiyz. Eń tómengi ósim Almaty oblysynda - 6,5 paiyz.
