QR Energetika ministri Nurlan Noǵaev Qazaqstandaǵy ken oryndarynda munaidyń ózindik quny týraly aityp berdi, dep habarlaidy "Ult aqparat".
«Ken oryndaryndaǵy jer qyrtysyn igerý dárejesi ártúrli. Ár naqty ken ornyna jekelei qaraý kerek, sondyqtan olarda ózindik quny da ózgeshe. Atap aitqanda, munaidyń ózindik quny 20 AQSh dollary bolatyn, 50 dollar, sondai-aq 65 dollar somasyndaǵy ken oryndary bar», - dedi ministr Májiliste tilshiler saýalyna jaýap bere otyryp.
Osy oraida N. Noǵaev barlyq ken oryndarynyń deńgeiin teńestirý múmkin emestigin atap ótti.
«Barlyǵyn bir mejemen shamalap, ortasha kórsetkishti shyǵarý durys bolmaidy. Qashaǵanda ózindik quny - 10 dollar. Esterińizde bolsa, 1998 jyly munai 8,5 dollar bolǵan kezeńdi bastan ótkerdik. Meniń oiymsha, biz sharalardy ońtailandyramyz, iaǵni barlyq qadamdardy jetildiremiz, qajetti sharalardy qabyldaimyz», - dedi vedomstvo basshysy.
