Aldaǵy ýaqytta "QazTransGaz" kompaniiasy taǵy bir gaz qoimasyn ashýdy josparlap otyr, dep xabarlaidy QazAqparat tilshisi.
"QazTransGaz" AQ transformatsiia jáne damý jónindegi bas direktorynyń orynbasary Erqanat Temirxanovtyń aitýynsha, aldaǵy ýaqytta kompaniianyń enshiles kásiporny - "Amangeldigazda" shikizatty óndirý kólemin jylyna 500 mln tonnaǵa deiin jetkizý josparlanyp otyr. "Atalǵan kompaniia Jambyl oblysynda ornalasqan. Endi, 2018-2024 jyldarǵa deiin gaz salasyn damytý aiasynda biz "Amangeldigazdy" shikizattyq baza retinde ǵana emes, iri gaz qoimasy retinde paidalanýdy kózdep otyrmyz. Sebebi qazirdiń ózinde "Poltoratskoe", "Aqyrtóbe" men "Bozoi" barlyq shikizatty syiǵyzdyra almai jatyr", - deidi Temirxanov.
Onyń aitýynsha, aldaǵy ýaqytta Qytaiǵa gazdy tasymaldaý kólemin arttyrý aiasynda "Amangeldigazdy" ońtústiktiń taǵy bir iri gaz qoimasy retinde paidalaný asa mańyzdy.
Aita keteiik, qazirgi kezde Qazaqstanda úsh jerasty gaz qoimasy bar. "Poltoratskoe" men "Aqyrtóbe" ońtústikte ornalassa, Aqtóbe oblysynda "Bozoi" qoimasy bar. Úsheýine 4,65 mlrd kýb metr gaz syiady.
