2017 jyldyń qańtarynda eńbek memlekettik inspektorlary elimizdegi kásiporyndardyń jumysshylarǵa jalaqy bereshegi 200 mln. teńgeni quraǵandyǵyn anyqtady, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
"Aǵymdaǵy jyldyń basynan beri memlekettik eńbek inpektorlarymen 44 kásiporynda 348 jumysker aldynda 200 mln. teńge sommasyndaǵy aǵymdaǵy jalaqy bereshegi anyqtaldy. Atalǵan kásiporyn basshylaryna oryndalýy mindetti 40 uiǵarym berilip, 4 mln. teńge sommasynda 20 ákimshilik aiyppul salyndy", - delingen baspasóz habarlamasynda.
Qoldanylǵan sharalar nátijesinde 50 mln. teńge sommasynda jalaqy bereshegi tólengen.
"300-ge jýyq jumyskerdiń quqyqtary qorǵaldy, onyń ishinde respýblikanyń 3 kásipornynda qoldanylǵan sharalar nátijesinde 158 jumyskerdiń aldyndaǵy jalpy sommasy 17 mln. teńge bolatyn jalaqy bereshegi tolyǵymen tólendi, «SP Sareco» JShS – 118 jumysker aldynda 14,9 mln. teńge (Aqmola oblysy), «Jambylgips» JShS – 23 jumysker aldynda 1,1 mln. teńge, «Jambylgipsstroi» JShS – 12 jumysker aldynda 1 mln. teńge (Jambyl oblysy)", - deidi ministrlik.
Qazaqstan Respýblikasy Eńbek jáne áleýmettik qorǵaý ministrligimen jalaqy bereshegin anyqtaý jáne ony joiýǵa baǵyttalǵan nysanaly sharalardy qoldaný jalǵasýda.
