Foto: Tengrinews.kz
Qazaqstanda qartaiý indeksi ósip jatyr. Bul týraly Ulttyq statistika biýrosy málimetinde aitylǵan, - dep habarlaidy Tengrinews.kz.
2021 jyly óńirlerde halyqtyń qartaiý indeksi 26,6 bolǵan. Bul elimizde 0-15 jas aralyǵyndaǵy árbir 100 balaǵa 65 jastan asqan 26,6 azamat keledi degen sóz. 2017 jyly bul kórsetkish 25,9 deńgeiinde bolǵan.
Aýyldyq jerlermen salystyrǵanda qalalarda qartaiý deńgeii joǵary - 28,7. 2019-2020 jyldar aralyǵynda qala indeksi 29,1 deńgeiinde baǵalandy.
"Óńirler arasynda eń joǵary kórsetkish Soltústik Qazaqstan oblysynda, indeks 66,5 boldy. Eń jas qala Shymkent boldy, 100 balaǵa 65 jastan asqan 14,3 adam keledi. Elorda turǵyndary da salystyrmaly túrde jas, Nur-Sultan indeksi - 17,3.
Aýyl turǵyndarynyń qartaiý indeksi qala kórsetkishinen 4,9 tarmaqqa (23,9) tómen. Kórsetkish bes jyl ishinde shamaly ózgerdi, 2017 jyly 100 balaǵa 22,4 eresek adam keldi", - delingen habarlamada.
