QR Premer-Ministriniń orynbasary Eraly Toǵjanov 5 shildeden bastalatyn eki aptalyq karantin kezinde áleýmettik tólem berý máselesine qatysty aitty, dep habarlaidy QazAqparat.
Ortalyq kommýnikatsiialar qyzmetinde ótken o nlain baspasóz máslihatynda 42 500 teńge áleýmettik tólemge qatysty suraq qoiyldy. Vitse-premer tótenshe jaǵdai bolmaǵandyqtan, bul tólemge zańnamalyq negiz joq ekenin atap ótti.
«42 500 teńge kómegi toqtady. Biraq, áli tolyq jumysqa shyǵa almai otyrǵan mekemeler bar. Kásip ieleri tabys joq bolǵan soń, barlyq qyzmetkerlerge áleýmettik tólem jasai almaimyz deidi. Mundai jaǵdaida halyqqa endi áleýmettik tólem jasala ma?», - dep suraldy.
«Bul - tótenshe jaǵdaimen tikelei bailanysty. Ary qarai tótenshe jaǵdai toqtatylǵannan keiin, oǵan eshqandai zańnamalyq negizdeme joq. Sondyqtan azamattar múmkindiginshe qyzmet oryndarynda jumystaryn jalǵastyrýy tiis», - dedi E. Toǵjanov.
