Qazaqstandaǵy infliatsiia deńgeii ótken ailarmen salystyrǵanda 2019 jylǵy tamyzda - 0,2%, al 2018 jyldyń jeltoqsan aiynan beri - 3% quraǵan, dep habarlaidy "Ult aqparat" QR Ulttyq ekonomika ministrliginiń statistika komitetine silteme jasap.
Ótken aida azyq-túlik taýarlary – 0,1%, azyq-túlikke jatpaityn taýarlar – 0,4% qymbattaǵan, al aqyly qyzmetter baǵasy – 0,1% kóterildi.
Jyl basynan beri 1 qyrkúiektegi jaǵdai boiynsha, azyq-túlik taýarlarynyń baǵasy - 6,1%, azyq-túlikke jatpaityn taýarlardyń baǵasy - 2,9% ósti, aqyly qyzmetter 0,6% arzandady.
Jyl basynan beri tary 48,2%, kúrish 20,5%, un - 16%, qoi eti 12,7%, muzdatylǵan balyq – 11,2%, siyr eti - 10,6%, jylqy eti - 10,1%, nan 9,4%, qus eti - 8,7%, makaron ónimderi - 8,4%, shoshqa eti - 8%, máiek irimshigi - 6,7%, et ónimderi - 6,5%, bólke jáne unnan jasalǵan ónimder - 5,7%, shai - 5,3%, shujyq ónimderi - 5,1%, konditerlik ónimder - 4,2%, jemister men kókónister 4,1% qymbattaǵan.
Temeki ónimderi - 10,3%, salqyn sýsyndar - 9,6%, alkogoldi ishimdikter - 5,9% qymbattady. Jumyrtqa - 6,5%, túiirshiktelgen qant – 5,2%, sút – 5%, súzbe 2,3%, qaraqumyq – 1,6% arzandaǵan.
Oqý-anyqtamalyq quraldar - 6,3%, balalar aiaq kiimi - 6,2%, keńse taýarlary - 5,5%, farmatsevtikalyq ónimder - 5%, qurylys materialdary - 4,9%, balalar kiimi - 4,4%, turmystyq quraldar - 4,2%, jihaz jáne turmystyq zattar - 4,1%, toqyma buiymdary - 4%, jýǵysh jáne tazalaǵysh zattar - 3,6%, oqýshylar sómkesi 3% qymbattaǵan.
Benzin - 4,5%, dizel otyny, ballondardaǵy suiytylǵan gaz 0,9% arzandaǵan.
Turǵyn úi-kommýnaldyq sharýashylyq salasynda ortalyqtan jylytý tarifteri 11%, ystyq sý 10,1%, sýyq sý 7,8%, káriz jelilerin paidalaný 7,2%, elektr qýaty 5,6%, qoqys jinaý 3,6%, tasymaldanatyn gaz tarifteri 4,4% tómendegen.
Sanatorii qyzmetteri - 10,1%, zańgerlik qyzmetter jáne jeke kólik quraldaryn saqtandyrý - 5%, meditsinalyq qyzmetter - 4,5%, ekskýrsiialar men demalys oryndaryna barý - 4,6%, qoǵamdyq tamaqtaný, shashtaraz jáne jeke qyzmet kórsetý oryndary - 3,8% qymbattaǵan.
