.jpg)
Sýret ashyq derekkózden alyndy
Ǵylymdy damytpai eldi alǵa jyljytý múmkin emes. Sondyqtan Prezident Qasym-Jomart Kemeluly Toqaev ǵylymdy damytýdy memlekettik saiasattyń mańyzdy baǵyttarynyń biri dep sanaidy. Biz búgingi taqyrypta Qazaqstandaǵy ǵylym men tehnikanyń damý bolashaǵy týraly sóz etpekpiz, – dep habarlaidy «Ult aqparat».
Prezident Q.Toqaev: «Órkendegen el bolý úshin bul jaǵdaidy túzetý kerek» dep esepteidi. Bul baǵytta qazirdiń ózinde birqatar sharalar qolǵa alynǵan. Jeke ǵylym jáne joǵary bilim ministrligi quryldy, Ulttyq ǵylym akademiiasyna Qazaqstan Respýblikasy Prezidentiniń janyndaǵy memlekettik mártebe berildi. Qazaqstan Respýblikasy Prezidentiniń Jarlyǵymen Ǵylym jáne tehnika jónindegi Ulttyq keńes qurylyp, oǵan ǵylymdy damytýdyń negizgi baǵyttary men basymdyqtaryn anyqtaý tapsyryldy.
Prezident óz sózinde «tym ortalyqtandyrylǵan josparlaý men basqarý, memlekettik qarjylandyrýǵa táýeldilik, biznes tarapynan ǵylymi-zertteý jumystaryna suranystyń tómendigi, kadrlardyń, ásirese, jastardyń jetispeýshiligi» siiaqty oryn alyp otyrǵan problemalarǵa toqtaldy. Mańyzdy másele – ǵylymdy qarjylandyrý, sońǵy 5 jylda ǵylymǵa jumsalǵan qarajat Q.Toqaev atap ótkendei, 60%-ǵa óskenimen, jalpy ishki ónim qurylymyndaǵy ǵylymnyń úlesi tómen – 0,13%-dy qurap otyr.
Barlyq damyǵan elderde ulttyq mańyzy bar iri jobalar mindetti túrde ǵylymi saraptamadan ótedi. Osy oraida Prezident barlyq mańyzdy sheshimder mindetti túrde ǵylymi saraptamadan ótetin Qytaidy mysalǵa keltirdi. Jáne ol Qazaqstanǵa da ǵylymi kózqarastar men negizdemelerge negizdelgen utymdy ekonomikalyq modelge kóshýdi usynady.
Memleket basshysy elimizdiń óńirlerinde akademiialyq sheberlik ortalyqtary men tehnoparkterdi qamtityn ǵylymi mekemelerdiń tutas júiesin qalyptastyrýdy tapsyrdy.
Sonymen qatar, ǵylymi kadrlardy daiarlaýǵa úlken kóńil bólip, Ǵylym jáne joǵary bilim ministrligine doktorantýraǵa qabyldaýdy keńeitýdi tapsyrdy. Jáne ǵylymdy túrli kózderden qarjylandyrýdy arttyrýǵa erekshe kóńil bóldi. 2027 jylǵa qarai ǵylymdy qarjylandyrý jalpy ishki ónimniń (JIÓ) 1 paiyzyna jetedi dep kútýge negiz bar.
Prezident óz sózinde astyq ónimdiligin arttyrý men mal sharýashylyǵyndaǵy selektsiiaǵa kóńil bóldi. Aýyl sharýashylyǵy ǵalymdary bul uǵymdy keńeitip, júiege keltirýi kerek. Astyq ónimdiligin arttyrýǵa joǵary ónimdi sorttardy ósirý arqyly ǵana emes, topyraq qunarlyǵyn arttyrý arqyly da qol jetkizýge bolady. Aýyl sharýashylyǵynda jer negizgi óndiris quraly bolyp tabylady. Qarqyndy túrdegi sorttar qunarsyz topyraqta durys ónim bermeidi. Sondyqtan aýyl sharýashylyǵyn intensifikatsiialaý ónimdiligi joǵary sorttardy ósirýmen qatar topyraq qunarlyǵyn arttyrý sharalarynyń keshenin qarastyrady. Qazaqstanda ekologiialyq taza ónim óndirý úshin organikalyq eginshilikti damytýǵa zor áleýet pen múmkindik bar.
Q.Toqaev Ulttyq ǵylym akademiiasynyń basshylyǵyna quramnyń sapasyn arttyryp, burynǵy bedelin qalpyna keltirýdi tapsyrdy. Prezident Ulttyq ǵylym akademiiasynyń jumysynda túbegeili ózgerister bolýy kerek dep úmittenetinin aitty.
Esterińizge sala keteiik, Prezident Q.Toqaev: «Órkendegen el bolý úshin bul jaǵdaidy túzetý kerek» dep esepteidi. Bul baǵytta qazirdiń ózinde birqatar sharalar qolǵa alynǵan. Jeke ǵylym jáne joǵary bilim ministrligi quryldy, Ulttyq ǵylym akademiiasyna Qazaqstan Respýblikasy Prezidentiniń janyndaǵy memlekettik mártebe berildi. Qazaqstan Respýblikasy Prezidentiniń jarlyǵymen Ǵylym jáne tehnika jónindegi Ulttyq keńes qurylyp, oǵan ǵylymdy damytýdyń negizgi baǵyttary men basymdyqtaryn anyqtaý tapsyryldy. Al mańyzdy másele – ǵylymdy qarjylandyrý, sońǵy 5 jylda ǵylymǵa jumsalǵan qarajat Q.Toqaev atap ótkendei, 60%-ǵa óskenimen, jalpy ishki ónim qurylymyndaǵy ǵylymnyń úlesi tómen – 0,13%-dy qurap otyr.
