Foto: ©️ Tengrinews.kz / Álihan Sariev
Ulttyq statistika biýrosy óńirlerdegi qartaiý indeksi týraly málimetterdi bólisti, - dep habarlaidy Tengrinews.kz.
2022 jyly qartaiý indeksi 28,2 boldy, bul osy jyl ishinde 1,6 paiyzǵa ósti (2021 jyly 26,6). Nólden 15 jasqa deiingi árbir 100 balaǵa 65 jastan asqan 28 zeinetker keledi.
Halyqtyń qartaiýynyń eń joǵary deńgeii elimizdiń soltústik jáne shyǵys aimaqtarynda baiqalady. Shyǵys Qazaqstanda – 56,9, Soltústik Qazaqstanda – 56,3, Qostanai oblysy alǵashqy úshtikti 48,9 kórsetkishimen aiaqtady.
Halqy eń jas aimaqtar Mańǵystaý oblysy boldy. Sońǵy 10 jylda bala týýdyń eń joǵary kórsetkishi anyqtaldy. Árbir 100 balaǵa 65 jastan asqan 11 qart adam keledi. Elimizdiń ońtústik oblystarynda da qartaiý indeksiniń tómendigi baiqalady: Túrkistan oblysynda – 11,3, Shymkentte – 11,7.
Qalada qartaiý indeksi aýyldyq jerlerge qaraǵanda joǵary: sáikesinshe 30,7 jáne 24,5.
