«Adal tulǵa-2020» ulttyq syilyǵy aiasynda QR BǴM qarasty «ADAL BILIM» jobalyq keńsesi «Eń úzdik ulttyq joba» nominatsiiasyna ie boldy. Ulttyq syilyqty QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev tabystady, dep habarlaidy "Ult aqparat".
Atalǵan marapatqa «ADAL BILIM» jobalyq keńsesi bilim jáne ǵylym salasyndaǵy sybailas jemqorlyqtyń aldyn alý boiynsha júrgizgen jumystary úshin ie boldy. Jobalyq keńseniń negizgi qyzmetteriniń biri -mektepke deiingi, orta, tehnikalyq jáne kásiptik, joǵary jáne joǵary oqý ornynan keiingi bilim berý, ǵylym salasynda parasattylyqty qalyptastyrý. Sondai-aq «ADAL BILIM» osy salalardy retteitin normativtik quqyqtyq aktilerdi taldaý jumystarymen ainalysady.
«ADAL BILIM» jobalyq keńsesi — memlekettik mekeme emes. Bul — qoǵamdyq jumys. Bilim jáne ǵylym salasyndaǵy jemqorlyqtyń aldyn alý boiynsha jumys istep jatqanymyzǵa 1 jyl ǵana boldy. Osy ýaqyt aralyǵynda atalǵan salalar boiynsha tirkelgen zań buzýshylyqtar boiynsha jumys istep, jaqsy nátije kórsetip úlgerdik. «Eń úzdik ulttyq joba» atanýymyz bizge úlken jaýapkershilik júkteidi. Aldaǵy ýaqytta da elimizdegi sybailas jemqorlyq faktorlaryn barynsha azaitý úshin qyzmet etetin bolamyz», - dedi ADAL BILIM» jobalyq keńsesiniń tóraǵasy Talǵat Nárikbaev.
Atap óteiik, «ADAL BILIM» jobalyq keńsesi 2019 jyldyń 2 shildesinde M.S. Nárikbaev atyndaǵy KAZGIýÝ Ýniversitetiniń bazasynda qurylǵan.
