Foto: Shutterstock
Qazaqstan Ulttyq Banki men Ulttyq tólem korporatsiiasy bankaralyq QR tólemderin engizý boiynsha pilottyq jobany iske qosty, dep habarlaidy ULT.KZ.
Birinshi tranzaktsiianyń kórsetilimi 15 qarashada Almatyda ótken Qazaqstan qarjygerleriniń kongresi aiasynda ekinshi deńgeili eki banktiń qatysýymen ótti.
Bankaralyq QR tólem qyzmeti azamattarǵa QR tólemderin jyldam jáne yńǵaily júrgizýge múmkindik beretin Ulttyq tsifrlyq qarjylyq infraqurylymnyń quramdas bólikteriniń biri sanalady.
Atap aitqanda, bankaralyq QR tólemderin engizý kásipkerlik sýbektilerine ártúrli bankterdiń birneshe terminaldaryn ornatý qunyn tómendetýge, al azamattarǵa QR-kod arqyly eldegi kez kelgen banktiń terminaly arqyly tólem jasaýǵa múmkindik beredi. Óz kezeginde bankter NDFI infraqurylymyna qatysý aiasynda bankaralyq tranzaktsiialardy óńdeý qunyn tómendetý jáne klientterge tólem qyzmetterin keńeitý esebinen shyǵyndardy ońtailandyrýǵa múmkindik alady.
Qazirgi ýaqytta bankaralyq QR tólem júiesiniń fýnktsionaldyǵy qamtamasyz etilip, qatysýshy bankterdi kezeń-kezeńimen qosý jumystary júrgizilip jatyr. Jobany masshtabtaý 2025 jylǵa josparlanǵan.
