EAEO-ǵa múshe memleketterdiń qarjy naryǵy salasyndaǵy zańnamasyn úilestirý týraly kelisimdi ratifikatsiialaý Qazaqstanda qyzmet kórsetetin bankterdiń protsenttik mólsherlemesin tómendetýge alyp keledi. Bul týraly QR Ulttyq bank tóraǵasy Erbolat Dosaev málim etti, dep habarlaidy "Ult aqparat".
«Búgin talqylaǵan kelisim aiasynda naryqtaǵy kedergilerdi joiý týraly qadamdar qarastyrylǵan. Bul óz kezeginde básekelestikti damytýǵa jáne banktik sektor tarapynan servisti jaqsartýǵa jaǵdai jasaidy. Naryqtaǵy qatysýshylar alańynyń keńeiýi aldaǵy ýaqytta tarifterdiń, komissiia talaptarynyń jáne protsenttik stavkalardyń tómendeýin bildiredi», - dedi Erbolat Dosaev Májiliste tilshiler saýalyna jaýap bere otyryp.
Budan buryn habarlanǵandai, Parlament Májilisiniń jalpy otyrysynda «Eýraziialyq ekonomikalyq odaqqa múshe memleketterdiń qarjy naryǵy salasyndaǵy zańnamasyn úilestirý týraly kelisimdi ratifikatsiialaý týraly» zań jobasy maquldandy.
«Ortaq qarjy naryǵyn qurý bank, saqtandyrý sektorynda jáne baǵaly qaǵazdar naryǵyndaǵy qyzmet kórsetý sektorynda litsenziialardy ózara tanýdy, qarjy naryqtaryna kemsitýshiliksiz kirýdi qamtamasyz etýdi, memlekettik retteýdi jetildirýdi jáne qarjy naryqtarynda baqylaý men qadaǵalaýdy júzege asyrýdy kózdeidi», - dedi QR Ulttyq bank tóraǵasy.
