Foto ashyq derekkózden alyndy
Qazaqstanda jetim balalardy qabyldaityn kásibi otbasylar paida bolady. Balalar úileri Balalardy qoldaý ortalyǵyna ainalady. Bul týraly bilim ministri Ǵani Beisembaev aitty, - dep habarlaidy Tengrinews.kz portaly.
"Zań jobasy daiyn, jaqyn arada ony engizýge daiynbyz. Qazanǵa deiin qabyldanady dep josparlanyp otyr. Onyń basty aiyrmashylyǵy - kásipqoi otbasylar. Kásibi patronattyq otbasynyń artyqshylyǵy - jetim jáne ata-ana qamqorlyǵynsyz qalǵan balalardy balalar úiine emes, birden patronattyq otbasyna berý múmkindigi. Buǵan deiin jetimder aldymen balalar úiinde tirkelip, sodan soń ǵana asyrap alý máselesi qaraldy. Endi jańa zań boiynsha balany kásibi patronattyq otbasyǵa tikelei berýge bolady. Iaǵni bala otbasynyń jylýyn sezinip ósedi",- dedi oqý-aǵartý ministri Ǵani Beisembaev vedomstvonyń keńeitilgen alqa otyrysynan keiin BAQ ókilderiniń saýalyna jaýap berip.
Soǵan qaramastan, ol Qazaqstandaǵy balalar úilerin birjola joiý týraly usynysty qate dep sanaidy.
"Degenmen bul elimizde balalar úii jabylady degen sóz emes. Durysyraq aitqanda, Balalardy qoldaý ortalyǵy bolyp qaita qurylady. Jobany endi sarapshylarmen, ǵalymdarmen zerttep, júzege asyrý kerek. Biz bul baǵyttaǵy jumysymyzdy jalǵastyramyz", - dedi Ǵani Beisembaev.
