فوتو اشىق دەرەككٶزدەن الىندى
قازاقستاندا جەتٸم بالالاردى قابىلدايتىن كەسٸبي وتباسىلار پايدا بولادى. بالالار ٷيلەرٸ بالالاردى قولداۋ ورتالىعىنا اينالادى. بۇل تۋرالى بٸلٸم مينيسترٸ عاني بەيسەمباەۆ ايتتى, - دەپ حابارلايدى Tengrinews.kz پورتالى.
"زاڭ جوباسى دايىن, جاقىن ارادا ونى ەنگٸزۋگە دايىنبىز. قازانعا دەيٸن قابىلدانادى دەپ جوسپارلانىپ وتىر. ونىڭ باستى ايىرماشىلىعى - كەسٸپقوي وتباسىلار. كەسٸبي پاتروناتتىق وتباسىنىڭ ارتىقشىلىعى - جەتٸم جەنە اتا-انا قامقورلىعىنسىز قالعان بالالاردى بالالار ٷيٸنە ەمەس, بٸردەن پاتروناتتىق وتباسىنا بەرۋ مٷمكٸندٸگٸ. بۇعان دەيٸن جەتٸمدەر الدىمەن بالالار ٷيٸندە تٸركەلٸپ, سودان سوڭ عانا اسىراپ الۋ مەسەلەسٸ قارالدى. ەندٸ جاڭا زاڭ بويىنشا بالانى كەسٸبي پاتروناتتىق وتباسىعا تٸكەلەي بەرۋگە بولادى. ياعني بالا وتباسىنىڭ جىلۋىن سەزٸنٸپ ٶسەدٸ",- دەدٸ وقۋ-اعارتۋ مينيسترٸ عاني بەيسەمباەۆ ۆەدومستۆونىڭ كەڭەيتٸلگەن القا وتىرىسىنان كەيٸن باق ٶكٸلدەرٸنٸڭ ساۋالىنا جاۋاپ بەرٸپ.
سوعان قاراماستان, ول قازاقستانداعى بالالار ٷيلەرٸن بٸرجولا جويۋ تۋرالى ۇسىنىستى قاتە دەپ سانايدى.
"دەگەنمەن بۇل ەلٸمٸزدە بالالار ٷيٸ جابىلادى دەگەن سٶز ەمەس. دۇرىسىراق ايتقاندا, بالالاردى قولداۋ ورتالىعى بولىپ قايتا قۇرىلادى. جوبانى ەندٸ ساراپشىلارمەن, عالىمدارمەن زەرتتەپ, جٷزەگە اسىرۋ كەرەك. بٸز بۇل باعىتتاعى جۇمىسىمىزدى جالعاستىرامىز", - دەدٸ عاني بەيسەمباەۆ.
