Foto: polisia.kz
Esirtkini bailanyssyz tásilmen taratýǵa mamandanǵan uiymdasqan qylmystyq toptar Batys Qazaqstan, Abai oblystarynda jáne Almatyda quryqtaldy, - dep habarlaidy «Ult aqparat» Polisia.kz-ke silteme jasap.
Almaty jáne Semeide kannabis tobynyń esirtki zattaryn satýmen ainalysqan almatylyq turǵyndar ustaldy. Gashish pen marihýanany satý Telegram qosymshasy arqyly júzege asyrylǵan.
"Topty uiymdastyrýshy chat quryp, onda gashish pen marihýananyń ártúrli sorttarynyń quny týraly aqparat salyp otyrǵan. Toptyń basqa músheleri ózderine tiisti qylmystyq rólderge sáikes esirtkini zańsyz saqtaý, dozalarǵa bólý, olardy Almaty men Semei aýmaǵynda tasymaldaý jáne jasyrýmen ainalysqan", - delingen habarlamada.
Qylmystyq topqa qatysýshylar qamaýǵa alynyp, uiymdastyrýshyǵa izdeý jariialanǵan. Jalpy bir keliden asa gashish tárkilendi.
"Oralda taǵy bir qylmystyq top ustaldy. Kúdiktiler kannabis tobynyń esirtkisin satýmen ainalysqan. Olardan 540 gramm gashish tárkilendi. Topty uiymdastyrýshy Telegram messendjerinde internet-dúken quryp, esirtki satýǵa basshylyq etken. Esirtkini ótkizý internet-dúkenniń ákimshisi jáne jaldamaly esirtki jasyrýshylar arqyly júzege asyrylǵan", - delingen habarlamada.
Jyl basynan beri IIM esirtki qylmysyna qarsy is-qimyl bólinisteriniń qyzmetkerleri barlyǵy 20 esirtki zerthanasyn joiǵan, onyń ishinde segizinde sintetikalyq esirtki ázirlengen.
"Olardan paidalanýǵa daiyn 129 keli sintetikalyq esirtki jáne 390 kg prekýrsor tárkilendi. Sonymen qatar, 12 fitolaboratoriia anyqtalyp, olardan 34,5 kg kannabis tobynyń esirtkisi tárkilendi. Biyl politsiia alty uiymdasqan qylmystyq toptyń jolyn kesti, onyń ishinde ekeýi transulttyq top", - delingen habarlamada.
