فوتو: polisia.kz
ەسٸرتكٸنٸ بايلانىسسىز تەسٸلمەن تاراتۋعا ماماندانعان ۇيىمداسقان قىلمىستىق توپتار باتىس قازاقستان, اباي وبلىستارىندا جەنە الماتىدا قۇرىقتالدى, - دەپ حابارلايدى «ۇلت اقپارات» Polisia.kz-كە سٸلتەمە جاساپ.
الماتى جەنە سەمەيدە كاننابيس توبىنىڭ ەسٸرتكٸ زاتتارىن ساتۋمەن اينالىسقان الماتىلىق تۇرعىندار ۇستالدى. گاشيش پەن ماريحۋانانى ساتۋ Telegram قوسىمشاسى ارقىلى جٷزەگە اسىرىلعان.
"توپتى ۇيىمداستىرۋشى چات قۇرىپ, وندا گاشيش پەن ماريحۋانانىڭ ەرتٷرلٸ سورتتارىنىڭ قۇنى تۋرالى اقپارات سالىپ وتىرعان. توپتىڭ باسقا مٷشەلەرٸ ٶزدەرٸنە تيٸستٸ قىلمىستىق رٶلدەرگە سەيكەس ەسٸرتكٸنٸ زاڭسىز ساقتاۋ, دوزالارعا بٶلۋ, ولاردى الماتى مەن سەمەي اۋماعىندا تاسىمالداۋ جەنە جاسىرۋمەن اينالىسقان", - دەلٸنگەن حابارلامادا.
قىلمىستىق توپقا قاتىسۋشىلار قاماۋعا الىنىپ, ۇيىمداستىرۋشىعا ٸزدەۋ جارييالانعان. جالپى بٸر كەلٸدەن اسا گاشيش تەركٸلەندٸ.
"ورالدا تاعى بٸر قىلمىستىق توپ ۇستالدى. كٷدٸكتٸلەر كاننابيس توبىنىڭ ەسٸرتكٸسٸن ساتۋمەن اينالىسقان. ولاردان 540 گرامم گاشيش تەركٸلەندٸ. توپتى ۇيىمداستىرۋشى Telegram مەسسەندجەرٸندە ينتەرنەت-دٷكەن قۇرىپ, ەسٸرتكٸ ساتۋعا باسشىلىق ەتكەن. ەسٸرتكٸنٸ ٶتكٸزۋ ينتەرنەت-دٷكەننٸڭ ەكٸمشٸسٸ جەنە جالدامالى ەسٸرتكٸ جاسىرۋشىلار ارقىلى جٷزەگە اسىرىلعان", - دەلٸنگەن حابارلامادا.
جىل باسىنان بەرٸ ٸٸم ەسٸرتكٸ قىلمىسىنا قارسى ٸس-قيمىل بٶلٸنٸستەرٸنٸڭ قىزمەتكەرلەرٸ بارلىعى 20 ەسٸرتكٸ زەرتحاناسىن جويعان, ونىڭ ٸشٸندە سەگٸزٸندە سينتەتيكالىق ەسٸرتكٸ ەزٸرلەنگەن.
"ولاردان پايدالانۋعا دايىن 129 كەلٸ سينتەتيكالىق ەسٸرتكٸ جەنە 390 كگ پرەكۋرسور تەركٸلەندٸ. سونىمەن قاتار, 12 فيتولابوراتورييا انىقتالىپ, ولاردان 34,5 كگ كاننابيس توبىنىڭ ەسٸرتكٸسٸ تەركٸلەندٸ. بيىل پوليتسييا التى ۇيىمداسقان قىلمىستىق توپتىڭ جولىن كەستٸ, ونىڭ ٸشٸندە ەكەۋٸ ترانسۇلتتىق توپ", - دەلٸنگەن حابارلامادا.
