Qazaqstanda 29 myń áiel men 4 myń erkek bedeýlikke shaldyqqan. Al otbasylar arasynda ár altynshy otbasyǵa osy diagnoz qoiylǵan eken.
31-arnanyń "Informbiýro" baǵdarlamasynyń habarlaýynsha, Qazaqstanda bedeýlik boiynsha kórsetkish Eýropa elderine qaraǵanda joǵary. Statistikaǵa sáikes bedeýlikke kóbine áielder shaldyqqan, sebebi áielder er adamdarǵa qaraǵanda dárigerge kóbirek júginedi. Sondyqtan otbasylardyń kóbi EKO ádisin qoldanady. Alaida bul protsess qymbat bolǵandyqtan, barlyǵynyń qoly jete bermeidi.
Orta eseppen elde EKO jasaý baǵasy 1-2 million teńge. Sátpaev turǵyny Alena Kabataeva 4 jyl sábi kútip, sońynda EKO arqyly egizdi dúniege ákelipti.
"Bizge EKO-ny kvota arqyly jasaýdy usyndy, biz birden kelisip, birinshi talpynystan-aq balaly boldyq. EKO aldyndaǵy saraptamyna óz qarjymyzǵa óttik, al baǵdarlama keiin tegin boldy", – deidi ol.
Qazir elde EKO jasaýǵa arnalǵan "Ańsaǵan sábi" baǵdarlamasy bar. 2021 jyly iske qosylǵan baǵdarlama kvotasy búginde 7 esege kóbeitilgen. Barlyǵy 21 myń adam júginip, 7 myń sábi dúniege kelgen.
