Bilim sapasyna qoiylatyn talapqa sai emes elimizdegi 20 oqý ornynyń litsenziiasy qaitarylyp alyndy, dep habarlaidy QazAqparat tilshisi.
«Ózderińiz biletindei, «Bes áleýmettik bastama» sheńberinde Elbasynyń tapsyrmasy boiynsha qosymsha 20 myń grant bólingen bolatyn. Bul granttar boiynsha stýdentter oqýyn bastap ketti. Endi osyndai memleketten qamqorlyq bolyp jatqannan keiin árine, bizdiń oqý oryndarynyń jaýapkershiligi de arttyrylýy kerek», - dedi Bilim jáne ǵylym vitse-ministri Ashat Aimaǵambetov Astanada ótip jatqan «Nur Otan» partiiasy bastaýysh uiymdarynyń respýblikalyq forýmynda.
Onyń aitýynsha, osy máselede boiynsha birinshiden profilizatsiia, ekinshiden JOO-lardy úlkeitý, úshinshiden JOO-lar tiisti jumysyn atqara almasa litsenziialardy qaitaryp alý jumysy júrgiziletinin atap ótti.
«Qazirgi tańda biz 50 paiyzdyq normany bekittik. Demek, eger JOO túlekteriniń jumysqa turý kórsetkishi 50 paiyzdan az bolsa, onda bul degenińiz birinshiden bul mamandyqtardyń naryqqa qajetsiz ekenin, ekinshiden bilim sapasynyń tómendigin bildiredi. Eki jaǵdaida da biz litsenziiany qaitaryp alatyn bolamyz. Búginge deiin BǴM bul jumysty júrgizip, 20 litsenziiany qaitaryp aldyq. Kelesi jyly Memleket basshysynyń tapsyrmasy negizinde bul jumysty jalǵastyratyn bolamyz», - dedi Ashat Aimaǵambetov.
Eske sala ketsek, elordadaǵy Kongress-ortalyqta «Nur Otan» partiiasy bastaýysh uiymdarynyń respýblikalyq forýmy ótip jatyr.
