Qazaqstandaǵy 11 banktiń aktiv kólemi arttyrylǵan. Bul týraly QazAqparat Ranking-ke silteme jasap habarlaidy.
«Bir aida eldegi ekinshi deńgeili bankterdiń qaryz qorjyny 378,2 mlrd teńgege, maýsym aiynyń qorytyndysy boiynsha 13,6 trln teńgege (+2,9%) deiin ulǵaidy. Osylaisha 28 qazaqstandyq banktiń 21-i aidy «+ kórsetkishpen» aiaqtap otyr», - dep jazady Ranking.kz.
Maýsym aiynda bárinen ForteBank-tiń jaǵdaiy jaqsarǵan. Bir aida qaryz qorjynyn 75,8 mlrd teńgege arttyryp, jalpy qor 730,2 mlrd teńgege jetken. Bul barlyq ekinshi deńgeili bank qaryzdarynyń jiyntyq kóleminiń 5,4 paiyzy.
Ekinshi orynda memlekettik turǵyn úi qurylys jinaq banki tur. Bul bank bir ai ishinde nesie qorjynyn 54,3 mlrd teńgege arttyryp,jalpy qordy 821,2 mlrd teńgege jetkizgen. Barlyq ekinshi deńgeili bankterdiń nesie portfelindegi banktiń úlesi 5,8 paiyzdan 6 paiyzǵa artqan.
Kórsetkishin kótergen bankterdiń bestigine Kaspi Bank (+ 48,8 mlrd teńge), Sberbank (+ 41,1 mlrd teńge) jáne TsentrKredit banki (+ 39,8 mlrd teńge) kirdi.
«Bankter nesieleýdiń ósýimen qatar, aktivter kólemin de ósirýde. Bir ai ishinde kórsetkish 428,6 mlrd teńgege, jalpy aktiv qory 25,4 trln teńgege deiin ósti. Máselen, ForteBank jyldyq aktivter kólemin kúrt ulǵaityp(+86,5 mlrd teńge), Halyq Bankinen (+101,4 mlrd teńge) keiingi orynǵa shyqty», - delingen saittyńaqparatynda.
Aktivterdiń ósýi boiynsha úzdiker quramyna Sberbank (+ 88,9 mlrd teńge), Jýsan Bank (+ 52,6 mlrd teńge) jáne Sitibank (+48,7 mlrd teńge maýsym aiyna) kirdi.
Eske salsaq, Ulttyq bank QR Prezidentiniń tapsyrmasyn boiynsha 1 tamyzdan bastap bank sektory aktivteriniń sapasyn baǵalaityn AQR júiesin iske qosty. Protsess eldiń bank sektory aktivteriniń shamamen 87% - yn alatyn 14 iri bankti qamtidy. Olar:Qazaqstan Halyq Banki, ForteBank, Sberbank, Kaspi Bank, Bank TsentrKredit, ATF Bank, Eýraziialyq Bank, Jýsan Bank, Bank RBK, Alfa-Bank, Altyn Bank, Nurbank, Bank Hoým Kredit jáne VTB Qazaqstan.
