Elimizdiń saiasi ekonomikalyq damý qarqynyn saqtap, baiandy bolashaǵyn qamtamasyz etýdiń kilti rýhani jańǵyrýda jatyr.
Sol sebepti de Elbasynyń «Bolashaqqa baǵdar: rýhani jańǵyrý» atty tarihi maqalasynda osy máselege airyqsha mán berilgen. «Rýhani jańǵyrýdy» ulttyń rýhani temirqazyǵy etý ideiasyn Jaiyq jurtshylyǵy da qoldaidy. Osy baǵytta Oral óńirinde atqarylar is-sharalar belgilenip, jumys toptary quryldy. Al «Qazaqstandaǵy 100 jańa esim» jobasyn Qazaqstan halqy Assambleiasy júzege asyrmaq. Óńirdegi «Kieli jerler kartasyn» jasaqtaýdy mádeniet basqarmasy qolǵa alyp otyr. Atalǵan sharalarǵa aqparattyq qoldaý kórsetýdiń de mańyzy zor.
Dáýletkerei Qusaiynov, oblystyq mádeniet basqarmasynyń basshysy:
- Bul maqalanyń mańyzy jáne odan týyndaityn mindet nesimen jańa, nesimen erekshe? Bul óte múldem jańa, múldem tyń dúnie. Olai bolatyn sebebi bul birinshi kezekte qoǵamnyń sanasynyń jańǵyrýyn kózdeidi. Soǵan Elbasy baǵyt berip otyr. Tarihtan sabaq ala otyryp, Elbasy «biz óz altyn tamyrymyzdy úzbeýimiz kerek», dep eskertedi. Biz altyn tamyrymyzdy izdep taýyp, sonymen búgingi kúndi sabaqtastyrý kerekpiz.
Ǵaisa Qapaqov, QHA oblystyq filialy tóraǵasynyń orynbasary:
- Elbasy sol kezde basyp aitqany, eń qiyn da kúrdeli másele - ol qoǵamdyq sanany ózgertý. Ol degen bir kúndik jumys emes, kompaniiaǵa ainalmaý kerek. Úlken, júieli túrde jumys atqarý kerek. Baǵyttardyń biri – elge tanymaly jańa Qazaqstan esimderin Assambleia qolǵa alyp jatyr.
