2022 jyldyń birinshi jartyjyldyǵynda Qazaqstanda tiridei salmaqta 125 myń tonna jylqy soiyldy nemese soiýǵa satyldy, bul bir jyl burynǵy kórsetkishten 6,2% artyq.
Soiys salmaǵy boiynsha 64,6 myń tonna jylqy soiyldy, dep habarlady Sputnik Qazaqstan agenttigi Energyprom.kz saityna silteme jasap.
Jylqynyń basym bóligi úsh óńirde soiyldy. Túrkistan oblysynda tiridei salmaqta – 14,5 myń tonna jáne soiys salmaǵynda – 7,5 myń tonna, Abai oblysynda sáikesinshe – 13,5 myń jáne 7,1 myń tonna, Aqtóbe oblysynda tiridei salmaqta – 10,6 myń tonna jáne soiys salmaǵynda 5,5 myń tonna.
Osy jyldyń alty aiynda jylqy basy ótken jylmen salystyrǵanda 10,6%-ǵa ósken. 1 shildedegi jaǵdai boiynsha elimizde jalpy 4,1 million jylqy boldy.
Sondai-aq qyrylǵan jylqy sany jylyna 5,2%-ǵa ósip, 2,7 myń basqa deiin jetti. Kóbine Aqmola, Qostanai jáne Mańǵystaý oblystarynda mal aram ólgen.
Shilde aiynda jylqy etiniń ortasha bólshek saýdadaǵy baǵasy bir kilogramm úshin 2 900 teńgeni qurady. Bul ótken jylmen salystyrǵanda 16,5% joǵary.
"Soltústik Qazaqstan oblysynda baǵa qatty qymbattaǵan: bir jylda 28,8%-ǵa ósken. Jylqy eti qymbattaǵan óńirlerdiń úshtigine sondai-aq Aqtóbe oblysy men Shymkent qalasy da endi. Eń az jyldyq baǵa ósimi Qyzylorda oblysynda 4,5% deńgeiinde tirkeldi", - dep jazdy Energyprom.
Bir kilogramm jylqy etiniń eń joǵary baǵasy (3,3 myń teńge) elordada tirkelse, Qyzylorda turǵyndary eń arzan (2,3 myń teńge) jylqy etin tutynyp otyr.
