Foto: ARTYOM GEODAKYAN/TASS
2022 jylǵy jeltoqsanda Qazaqstanda infliatsiia byltyrǵy sáikes kezeńimen salystyrǵanda 20 paiyzdan asty, - dep habarlaidy Tengrinews.kz portaly Ulttyq statistika biýrosyna silteme jasap.
"2022 jylǵy jeltoqsanda jyldyq mánde infliatsiia deńgeii 20,3 paiyz boldy. Azyq-túlik taýarlarynyń baǵasy 25,3 paiyzǵa, azyq-túlikke jatpaityn taýarlar 19,4 paiyzǵa, aqyly qyzmetter 14,1 paiyzǵa ósti", - delingen habarlamada.
Azyq-túlik arasynda kókónis baǵasy aitarlyqtai ósken, jeltoqsanda qiiar 35,6 paiyzǵa, qyzanaq 14,6 paiyzǵa, tátti burysh 8,4 paiyzǵa, piiaz 7,9 paiyzǵa, qyzylsha 3,8 paiyzǵa qymbattaǵan.
"2021 jylǵy jeltoqsanmen salystyrǵanda shaqpaq qant 92,7 paiyzǵa, kir sabyn 87,6 paiyzǵa, keńse taýarlary 70,3 paiyzǵa qymbattady. Kerisinshe, jyldyq mánde suiytylǵan gaz (ballondarda) – 23 paiyzǵa, qyryqqabat 15,2 paiyzǵa arzandady", - delingen habarlamada.
Óńirler arasynda eń joǵary ailyq infliatsiia Qostanai jáne Jambyl oblystarynda tirkelgen – árqaisynda 1,9 paiyzdan (respýblikalyq ortasha deńgeiden 0,7 p.t. joǵary), eń tómeni Shymkent qalasy men Mańǵystaý oblysynda – árqaisynda 0,7 paiyzdan.
