Qazaqstanda jyl sońyna deiin 2,2 myń shaqyrym jol paidalanýǵa beriledi. Bul týraly QR Indýstriia jáne infraqurylymdyq damý vitse-ministri Berik Kamalievtiń tóraǵalyǵymen ótken selektorlyq keńeste aityldy, dep habarlaidy "Ult aqparat" ministrliktiń Telegram kanalyna silteme jasap.
Jiyn barysynda «Nurly jol» memlekettik baǵdarlamasy sheńberinde avtomobil joldary jobalaryn iske asyrý máseleleri qaraldy.
Otyrysqa QR IIDM Avtomobil joldary komitetiniń, «QazAvtoJol» UK» AQ jáne merdiger uiymdardyń ókilderi qatysty.
Avtojol jobalaryn iske asyrý barysy týraly «QazAvtoJol» UK» AQ oblystyq filialdarynyń jáne merdigerlerdiń esepteri tyńdaldy. 2021 jyly qurylys jáne rekonstrýktsiialaý jalpy uzyndyǵy 3,6 myń shaqyrym bolatyn 95 jol ýchaskesin qamtyǵany atap ótildi. Jyldyń sońyna deiin 1,2 myń shaqyrym jolda qozǵalysty ashyp, 2,2 myń shaqyrym joldy paidalanýǵa berý josparlanyp otyr.
Jiyn barysynda «Taldyqorǵan-Qalbataý-Óskemen», «Merke-Burylbaital», «Qalbataý-Maiqapshaǵai», «Aqtóbe-Atyraý-Astrahan», «Aqtóbe-Maqat», «Qaraǵandy-Balqash», «Úsharal- Dostyq», «Shamalǵan stantsiiasynyń ainalma joly» joldarynyń ýchaskelerindegi jumys barysy talqylandy.
Kezdesý barysynda kóterilgen taǵy bir másele jańa aqyly jol ýchaskelerin engizý boldy. Qazirge deiin jalpy uzyndyǵy 5,8 myń shaqyrym bolatyn 18 ýchaskede 99 basqarý doǵasyn ornatý boiynsha qurylys-montajdaý jumystary aiaqtalǵan.
Berik Kamaliev jobalardyń árqaisysy boiynsha jumysty ýaqytynda jáne sapaly aiaqtaý úshin tiisti nusqaýlar berdi. Búgin qurylys maýsymy tolyǵymen bastaldy, barlyq ýchaskelerde jumys qarqyndy júrgizilýde.
