قازاقستاندا جىل سوڭىنا دەيٸن 2,2 مىڭ شاقىرىم جول پايدالانۋعا بەرٸلەدٸ. بۇل تۋرالى قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆتٸڭ تٶراعالىعىمەن ٶتكەن سەلەكتورلىق كەڭەستە ايتىلدى, دەپ حابارلايدى "ۇلت اقپارات" مينيسترلٸكتٸڭ Telegram كانالىنا سٸلتەمە جاساپ.
جيىن بارىسىندا «نۇرلى جول» مەملەكەتتٸك باعدارلاماسى شەڭبەرٸندە اۆتوموبيل جولدارى جوبالارىن ٸسكە اسىرۋ مەسەلەلەرٸ قارالدى.
وتىرىسقا قر ييدم اۆتوموبيل جولدارى كوميتەتٸنٸڭ, «قازاۆتوجول» ۇك» اق جەنە مەردٸگەر ۇيىمداردىڭ ٶكٸلدەرٸ قاتىستى.
اۆتوجول جوبالارىن ٸسكە اسىرۋ بارىسى تۋرالى «قازاۆتوجول» ۇك» اق وبلىستىق فيليالدارىنىڭ جەنە مەردٸگەرلەردٸڭ ەسەپتەرٸ تىڭدالدى. 2021 جىلى قۇرىلىس جەنە رەكونسترۋكتسييالاۋ جالپى ۇزىندىعى 3,6 مىڭ شاقىرىم بولاتىن 95 جول ۋچاسكەسٸن قامتىعانى اتاپ ٶتٸلدٸ. جىلدىڭ سوڭىنا دەيٸن 1,2 مىڭ شاقىرىم جولدا قوزعالىستى اشىپ, 2,2 مىڭ شاقىرىم جولدى پايدالانۋعا بەرۋ جوسپارلانىپ وتىر.
جيىن بارىسىندا «تالدىقورعان-قالباتاۋ-ٶسكەمەن», «مەركە-بۇرىلبايتال», «قالباتاۋ-مايقاپشاعاي», «اقتٶبە-اتىراۋ-استراحان», «اقتٶبە-ماقات», «قاراعاندى-بالقاش», «ٷشارال- دوستىق», «شامالعان ستانتسيياسىنىڭ اينالما جولى» جولدارىنىڭ ۋچاسكەلەرٸندەگٸ جۇمىس بارىسى تالقىلاندى.
كەزدەسۋ بارىسىندا كٶتەرٸلگەن تاعى بٸر مەسەلە جاڭا اقىلى جول ۋچاسكەلەرٸن ەنگٸزۋ بولدى. قازٸرگە دەيٸن جالپى ۇزىندىعى 5,8 مىڭ شاقىرىم بولاتىن 18 ۋچاسكەدە 99 باسقارۋ دوعاسىن ورناتۋ بويىنشا قۇرىلىس-مونتاجداۋ جۇمىستارى اياقتالعان.
بەرٸك كاماليەۆ جوبالاردىڭ ەرقايسىسى بويىنشا جۇمىستى ۋاقىتىندا جەنە ساپالى اياقتاۋ ٷشٸن تيٸستٸ نۇسقاۋلار بەردٸ. بٷگٸن قۇرىلىس ماۋسىمى تولىعىمەن باستالدى, بارلىق ۋچاسكەلەردە جۇمىس قارقىندى جٷرگٸزٸلۋدە.
