"Aǵymdaǵy jyldyń basynan Qazaqstanda «Tabliǵi jamaǵat» dini-ekstremistik uiymynyń 14 jaqtasy sottaldy. Bul týraly QazAqparat tilshisiniń resmi saýalyna orai QR Ulttyq qaýipsizdik komitetinen málim etti", - dep habarlaidy Ult.kz tilshisi.
«Ádette, ekstremistik toptyń qataryna qosylý jasaqtaýshy tarabynan kandidattardy ideologiialyq «tazalaý» arqyly júzege asyrylady. Olar bastapqy kezeńde óz qyzmetteri týraly shynaiy aqparattardy jasyryn ustaidy», - dep habarlady QR UQK-den.
Sonymen qatar komitet Qazaqstannyń eki azamatynyń Pákistan migratsiialyq qyzmeti tarabynan ustalǵandyǵyn rastady. UQK málimetterine sáikes, olar 10 qyrkúiek kúni tutqynǵa alynyp, 13 qyrkúiekte bostandyqqa jiberilgen.
Esterińizge sala ketsek, qazaqstandyqtar Gýjrat qalasynda vizalyq rejimdi buzǵany úshin ustaldy. Olar «TabdiǵMarkazy» (Qazaqstanda tyiym salynǵan «Tabliǵi jamaǵat» dini-ekstremistik uiym jaqtastarynyń oqý orny) seminarynda oqyp júrgen.
Eki qazaqstandyqtan basqa, Pákistanda Sýdannan alty azamat, Qytaidan bes, Indoneziiadan tórt, Tailand, Filippin, Chadadan eki-ekiden, Malaiziiadan bir azamat tutqynǵa alyndy.
