Biylǵy 9 aida qazaqstandyqtarǵa 10,4 mln sharshy metr turǵyn úi paidalanýǵa berilgen. Bul - byltyrǵy kórsetkishten 8 paiyz kóp. Premer-Ministr Asqar Mamin Úkimet otyrysynda osylai dedi, dep habarlaidy QazAqparat.
«Qurylystyń ósý qarqyny 9,7 paiyz deńgeiinde. 9 aida elde 10,4 mln sharshy metr turǵyn úi paidalanýǵa berildi, bul ótken jylmen salystyrǵanda 8 paiyzǵa kóp.
Investitsiialardyń qalypqa kelýi belsendi túrde jalǵasyp, 2 paiyz boldy. Al taý-ken óndirisin eseptemegende – 15,1 paiyzdy qurap otyr.
Negizgi kapitalǵa investitsiialardyń joǵary kórsetkishteri qurylysta, óńdeý ónerkásibinde, saýdada, aýyl sharýashylyǵynda, jyljymaityn múlik operatsiialarynda, qarjy qyzmetinde, aqparat pen bailanysta baiqaldy», - dedi Asqar Mamin.
Úkimet basshysynyń aitýyna qaraǵanda, iskerlik belsendilikti odan ári qalpyna keltirý jáne sapaly investitsiialar tartý jumysyn jalǵastyryp, odan ári kúsheitýdiń mańyzy zor. Sondai-aq, ol makroekonomikalyq kórsetkishteri joǵary óńirlerdi atady.
«Qańtar-qyrkúiektiń qorytyndysy boiynsha barlyq negizgi makrokórsetkish boiynsha ósim Almaty, Aqmola, Jambyl, Qostanai oblystary men Shymkentte baiqalady», - dedi Premer-Ministr.
