بيىلعى 9 ايدا قازاقستاندىقتارعا 10,4 ملن شارشى مەتر تۇرعىن ٷي پايدالانۋعا بەرٸلگەن. بۇل - بىلتىرعى كٶرسەتكٸشتەن 8 پايىز كٶپ. پرەمەر-مينيستر اسقار مامين ٷكٸمەت وتىرىسىندا وسىلاي دەدٸ, دەپ حابارلايدى قازاقپارات.
«قۇرىلىستىڭ ٶسۋ قارقىنى 9,7 پايىز دەڭگەيٸندە. 9 ايدا ەلدە 10,4 ملن شارشى مەتر تۇرعىن ٷي پايدالانۋعا بەرٸلدٸ, بۇل ٶتكەن جىلمەن سالىستىرعاندا 8 پايىزعا كٶپ.
ينۆەستيتسييالاردىڭ قالىپقا كەلۋٸ بەلسەندٸ تٷردە جالعاسىپ, 2 پايىز بولدى. ال تاۋ-كەن ٶندٸرٸسٸن ەسەپتەمەگەندە – 15,1 پايىزدى قۇراپ وتىر.
نەگٸزگٸ كاپيتالعا ينۆەستيتسييالاردىڭ جوعارى كٶرسەتكٸشتەرٸ قۇرىلىستا, ٶڭدەۋ ٶنەركەسٸبٸندە, ساۋدادا, اۋىل شارۋاشىلىعىندا, جىلجىمايتىن مٷلٸك وپەراتسييالارىندا, قارجى قىزمەتٸندە, اقپارات پەن بايلانىستا بايقالدى», - دەدٸ اسقار مامين.
ٷكٸمەت باسشىسىنىڭ ايتۋىنا قاراعاندا, ٸسكەرلٸك بەلسەندٸلٸكتٸ ودان ەرٸ قالپىنا كەلتٸرۋ جەنە ساپالى ينۆەستيتسييالار تارتۋ جۇمىسىن جالعاستىرىپ, ودان ەرٸ كٷشەيتۋدٸڭ ماڭىزى زور. سونداي-اق, ول ماكروەكونوميكالىق كٶرسەتكٸشتەرٸ جوعارى ٶڭٸرلەردٸ اتادى.
«قاڭتار-قىركٷيەكتٸڭ قورىتىندىسى بويىنشا بارلىق نەگٸزگٸ ماكروكٶرسەتكٸش بويىنشا ٶسٸم الماتى, اقمولا, جامبىل, قوستاناي وبلىستارى مەن شىمكەنتتە بايقالادى», - دەدٸ پرەمەر-مينيستر.
