Jyl basynan beri qazaqstandyq munai eksporty byltyrǵymen salystyrǵanda 12 paiyzǵa ósti, - dep habarlaidy Tengrinews.kz tilshisi Energyprom.kz saityna silteme jasap.
Qazaqstanda biylǵy qańtar-mamyrda bitýmdy mineraldardan alynǵan shiki munai óndirý byltyrǵymen salystyrǵanda 5,5 paiyzǵa ósip, 31,9 million tonna bolǵan.
OPEK+ elderiniń kelisimi boiynsha tamyzda munai óndirý táýligine 0,648 million barrelge deiin artady. Bul rette Qazaqstannyń mindettemesi táýligine 1,706 million barrel bolady.
Biyl birinshi jartyjyldyqta munai eksporty da ósken. 2022 jyldyń qańtar-mamyrynda 30,2 million tonna shiki munai jáne shiki munai ónimderi eksporttaldy, bul byltyrǵy osy kezeńimen salystyrǵanda 12,1 paiyzǵa artyq. Bul kólemniń jartysy Italiiaǵa (8,3 million tonna), Niderlandyǵa (3,3 million tonna), Ońtústik Koreiaǵa (2,5 million tonna) jáne Qytaiǵa (2,2 million tonna) jóneltilgen.
Biylǵy maýsym men shildeniń basynda Qazaqstan munaiyn Kaspii qubyr konsortsiýmy (KQK) arqyly shetelge jetkizýde problemalar týyndady. Elimizde munai jetkizýdi ártaraptandyrý máselesi qazirdiń ózinde qolǵa alynǵan. Aqorda málimetinshe, basym baǵyt – Transkaspii baǵyty.
Biyl qańtar-mamyrda byltyrǵy sáikes kezeńimen salystyrǵanda shiki munai men bitýmdy mineraldardan alynǵan shiki munai ónimderin jetkizýdiń eksporttyq baǵasy 58,4 paiyzǵa ósti.
