جىل باسىنان بەرٸ قازاقستاندىق مۇناي ەكسپورتى بىلتىرعىمەن سالىستىرعاندا 12 پايىزعا ٶستٸ, - دەپ حابارلايدى Tengrinews.kz تٸلشٸسٸ Energyprom.kz سايتىنا سٸلتەمە جاساپ.
قازاقستاندا بيىلعى قاڭتار-مامىردا بيتۋمدى مينەرالداردان الىنعان شيكٸ مۇناي ٶندٸرۋ بىلتىرعىمەن سالىستىرعاندا 5,5 پايىزعا ٶسٸپ, 31,9 ميلليون توننا بولعان.
وپەك+ ەلدەرٸنٸڭ كەلٸسٸمٸ بويىنشا تامىزدا مۇناي ٶندٸرۋ تەۋلٸگٸنە 0,648 ميلليون باررەلگە دەيٸن ارتادى. بۇل رەتتە قازاقستاننىڭ مٸندەتتەمەسٸ تەۋلٸگٸنە 1,706 ميلليون باررەل بولادى.
بيىل بٸرٸنشٸ جارتىجىلدىقتا مۇناي ەكسپورتى دا ٶسكەن. 2022 جىلدىڭ قاڭتار-مامىرىندا 30,2 ميلليون توننا شيكٸ مۇناي جەنە شيكٸ مۇناي ٶنٸمدەرٸ ەكسپورتتالدى, بۇل بىلتىرعى وسى كەزەڭٸمەن سالىستىرعاندا 12,1 پايىزعا ارتىق. بۇل كٶلەمنٸڭ جارتىسى يتاليياعا (8,3 ميلليون توننا), نيدەرلاندىعا (3,3 ميلليون توننا), وڭتٷستٸك كورەياعا (2,5 ميلليون توننا) جەنە قىتايعا (2,2 ميلليون توننا) جٶنەلتٸلگەن.
بيىلعى ماۋسىم مەن شٸلدەنٸڭ باسىندا قازاقستان مۇنايىن كاسپيي قۇبىر كونسورتسيۋمى (كقك) ارقىلى شەتەلگە جەتكٸزۋدە پروبلەمالار تۋىندادى. ەلٸمٸزدە مۇناي جەتكٸزۋدٸ ەرتاراپتاندىرۋ مەسەلەسٸ قازٸردٸڭ ٶزٸندە قولعا الىنعان. اقوردا مەلٸمەتٸنشە, باسىم باعىت – ترانسكاسپيي باعىتى.
بيىل قاڭتار-مامىردا بىلتىرعى سەيكەس كەزەڭٸمەن سالىستىرعاندا شيكٸ مۇناي مەن بيتۋمدى مينەرالداردان الىنعان شيكٸ مۇناي ٶنٸمدەرٸن جەتكٸزۋدٸڭ ەكسپورتتىق باعاسى 58,4 پايىزعا ٶستٸ.
