Qańtar-mamyr ailarynda mindetti áleýmettik saqtandyrý júiesine qatysýshylar sany 5,7 mln adamdy qurady. Túsken áleýmettik aýdarym men ósimpul somasy 126,5 mlrd teńgege jetti, dep habarlaidy "Ult aqparat".
Osy kezeńde shamamen 725 myń adam Memlekettik áleýmettik saqtandyrý qorynan jalpy somasy 131,8 mlrd teńgege áleýmettik tólem alǵan.
Atap aitqanda, joǵaryda kórsetilgen kezeńde MÁSQ-tan mynadai tólemder júzege asyryldy:
- bala bir jasqa tolǵanǵa deiin onyń kútimine bailanysty tabysynan aiyrylǵan jaǵdaida tólenetin áleýmettik tólemdi 60,7 mlrd teńge somasyna 430 862 adam aldy, bul ótken jyldyń sáikes kezeńimen salystyrǵanda 59% - ǵa artyq;
- júktilikke jáne bosanýǵa, jańa týǵan balany asyrap alýǵa bailanysty tabysynan aiyrylǵan jaǵdaida tólenetin áleýmettik tólemdi 45,1 mlrd teńge somasyna 92 739 adam aldy.
Bul ótken jyldyń sáikes kezeńimen salystyrǵanda 36% artyq;
- 64 440 adam 7,8 mlrd teńge somasyna jumysynan aiyrylý jaǵdaiyna áleýmettik tólem aldy, bul ótken jyldyń sáikes kezeńimen salystyrǵanda 2 esege artyq;
- asyraýshysynan aiyrylǵan jaǵdaida beriletin áleýmettik tólemdi 51 749 adam 7,2 mlrd teńge somasyna aldy, bul ótken jyldyń sáikes kezeńimen salystyrǵanda 21%-ǵa artyq;
- eńbek etý qabiletinen aiyrylǵan jaǵdaida 85 343 adam 11,1 mlrd teńge somasyna áleýmettik tólem aldy, bul ótken jyldyń uqsas kezeńimen salystyrǵanda 11%-ǵa artyq.
