Qazaqstanda jyl basynan beri 39 brakonerlik faktisi anyqtaldy, dep habarlaidy "Ult aqparat" Ekologiia, geologiia jáne tabiǵi resýrstar ministrliginiń baspasóz qyzmetine silteme jasap.
Ministrlik taratqan málimetterge qaraǵanda, brakonerlerden 1571 aqbóken múiizi men 513 janýardyń tutas eti alyndy. Ótken jylmen salystyrǵanda, mundai oqiǵalar sany aitarlyqtai ósken (25 brakonerlik faktisi, 530 múiiz ben 650 tutas et alyndy).
«Bul memlekettik organdardyń qylmystyq toptardyń jolyn kesýdegi jumys úilesimdiligi men ózara is-qimyl jedeldiginiń nátijesi deýge bolady»,-delingen habarlamada.
Sondai-aq baspasóz qyzmetiniń málimetterine qaraǵanda, jalpy alǵashqy jartyjyldyqta memlekettik inspektorlar tabiǵatty qorǵaý zańnamasyn buzýdyń 3 748 oqiǵasyn anyqtady. Úsh myńnan astam adam ákimshilik jaýapqa, 12 brakoner qylmystyq jaýapqa tartyldy. Bul rette jalpy aiyppul somasy 44 mln teńge, zalal somasy 1,6 mlrd. teńgeni qurady.
«Ótken jylǵy osy kezeńdi salystyrý úshin alsaq, 4 197 oqiǵa anyqtalyp, ákimshilik jaýapqa 3 335 adam, qylmystyq jaýapqa 19 adam tartylǵan. Ol kezdegi jalpy aiyppul somasy 45,6 mln teńge, zalal somasy 870 616,2 myń teńgeni qurady»,-delingen ministrlik taratqan aqparatta.
