قازاقستاندا جىل باسىنان بەرٸ 39 براكونەرلٸك فاكتٸسٸ انىقتالدى, دەپ حابارلايدى "ۇلت اقپارات" ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
مينيسترلٸك تاراتقان مەلٸمەتتەرگە قاراعاندا, براكونەرلەردەن 1571 اقبٶكەن مٷيٸزٸ مەن 513 جانۋاردىڭ تۇتاس ەتٸ الىندى. ٶتكەن جىلمەن سالىستىرعاندا, مۇنداي وقيعالار سانى ايتارلىقتاي ٶسكەن (25 براكونەرلٸك فاكتٸسٸ, 530 مٷيٸز بەن 650 تۇتاس ەت الىندى).
«بۇل مەملەكەتتٸك ورگانداردىڭ قىلمىستىق توپتاردىڭ جولىن كەسۋدەگٸ جۇمىس ٷيلەسٸمدٸلٸگٸ مەن ٶزارا ٸس-قيمىل جەدەلدٸگٸنٸڭ نەتيجەسٸ دەۋگە بولادى»,-دەلٸنگەن حابارلامادا.
سونداي-اق باسپاسٶز قىزمەتٸنٸڭ مەلٸمەتتەرٸنە قاراعاندا, جالپى العاشقى جارتىجىلدىقتا مەملەكەتتٸك ينسپەكتورلار تابيعاتتى قورعاۋ زاڭناماسىن بۇزۋدىڭ 3 748 وقيعاسىن انىقتادى. ٷش مىڭنان استام ادام ەكٸمشٸلٸك جاۋاپقا, 12 براكونەر قىلمىستىق جاۋاپقا تارتىلدى. بۇل رەتتە جالپى ايىپپۇل سوماسى 44 ملن تەڭگە, زالال سوماسى 1,6 ملرد. تەڭگەنٸ قۇرادى.
«ٶتكەن جىلعى وسى كەزەڭدٸ سالىستىرۋ ٷشٸن الساق, 4 197 وقيعا انىقتالىپ, ەكٸمشٸلٸك جاۋاپقا 3 335 ادام, قىلمىستىق جاۋاپقا 19 ادام تارتىلعان. ول كەزدەگٸ جالپى ايىپپۇل سوماسى 45,6 ملن تەڭگە, زالال سوماسى 870 616,2 مىڭ تەڭگەنٸ قۇرادى»,-دەلٸنگەن مينيسترلٸك تاراتقان اقپاراتتا.
