2020 jylǵy qańtar-maýsym aralyǵynda Qazaqstanda infliatsiia 4,2 paiyzdy qurady. Bul týraly QR Ulttyq ekonomika ministrligine qarasty Statistika komiteti habarlady.
Biylǵy alty aida (2020 jylǵy maýsym 2019 jylǵy jeltoqsanǵa) azyq-túlik taýarlaryna baǵa – 7,3%, azyq-túlik emes taýarlaryna – 2,6%, aqyly qyzmetterge 1,4% qymbattaǵan.
Atap aitqanda, jyl basynan (2020 jylǵy maýsym 2019 jylǵy jeltoqsanǵa) baǵanyń qymbattaýy jemisterge – 21,2%, kókónisterge – 15,6%, jarmalarǵa – 14,6%, qoi etine – 10,7%, qumshekerge – 10,6%, makaron ónimderine – 9,3%, sary maiǵa – 8,9%, unǵa – 8,8%, et ónimderine – 8,5%, jylqy etine – 8,2%, siyr etine – 7,4%, máiekti irimshikke – 7,3%, muzdatylǵan balyqqa – 6,1%, shaiǵa – 5,9%, shoshqa etine – 5,5%, shujyq ónimderine – 5,4%, toqash jáne unnan daiyndalatyn ónimderine – 4,6%, pasterlengen sútke – 4,5%, qyshqyl sút ónimderine – 3,7%, nanǵa – 3,4%, súzbege 3,3% belgilendi.
Mineraldy jáne aýyzsý – 6,8%, temeki ónimderi – 5,4%, salqyndatylǵan sýsyndar 4% qymbattady.
Kerisinshe, jumyrtqa – 3,6%, kúrish – 2,7%, sók 2,4% arzandaǵan.
Baǵa ósimi jýý jáne tazalaý quraldaryna – 5,8%, dári-dármekke – 5,6%, jeke qoldanylatyn taýarlarǵa – 5,3%, turmystyq aspaptarǵa – 4,3%, avtomobilderge – 3,9%, qurylys materialdaryna 3,6% qurady.
Benzin 2,8% qymbattasa, dizel otyny 3% arzandady.
Baǵanyń artýy sondai-aq quqyqtyq, jeke kólik quraldaryn saqtandyrý qyzmetterine – 10%-dan, densaýlyq qyzmetterine – 3,4%, shashtarazdar men jeke qyzmet kórsetý oryndary qyzmetterine – 2,6%, mektepke deiingi balalar mekemesiniń qyzmetterine – 2,2%, kabeldik televiziia qyzmetterine 2% tirkeldi.
Internet jelisine qosylý úshin abonenttik tólem 2% joǵarylady.
Qala ishinde taksimen jol júrý aqysy – 5,2%, temir jolkóliginde 3,7% qymbattady, al áýe kóligimen qatynaý 1,7% arzandady.
Turǵyn úi-kommýnaldyq qyzmetter salasynda tarifter ystyq sýǵa – 7,7%, kárizge – 6,2%, sýyq sýǵa – 5,6%, ortalyqtan jylytýǵa 3,4% tómendedi, al qoqys shyǵarýǵa – 9%, elektr energiiasyna 2,2% ósti.
