Qazaqstanda jyl basynan beri 85 bala kópqabatty úilerdiń terezesinen qulap ketken, dep habarlaidy "Ult aqparat".
QR IIM Tótenshe jaǵdailar komitetinen málim etkendei, qulaǵan balalardyń jasy 1-8 jas aralyǵynda. Saldarynan 8 bala qaza bolyp, 77-si aýrýhanaǵa jetkizildi.
Budan bólek, sýǵa shomylý kezeńi bastalǵan 1 maýsymnan búgingi kúnge deiin el boiynsha 64 bala sýǵa batyp ketken. Olardyń barlyǵy eresek adamdardyń qaraýynsyz qalǵan. Osy ýaqyt aralyǵynda sý aidyndarynda 24 bala qutqarylǵan. Aita ketsek, byltyr 82 bala sýdan ajal qushqan.
TJK aqparatyna sáikes, Qazaqstanda ótken bir táýlik ishinde ǵana balalardyń qatysýymen 5 oqiǵa boldy. Olarda 4 bala qaza taýyp, 3-eýi aýrýhanaǵa jatqyzyldy.
