Qazaqstanda júrgizýshi kýáliginiń merzimi ótken jaǵdaida qaita emtihan tapsyrý joiylady. Bul týraly búgin QR Parlamenti Májilisinde «Jol qozǵalysy týraly» QR Zańyna ózgerister engizý týraly» zań jobasyn talqylaý barysynda depýtat Qanat Mýsin málim etti, dep habarlaidy Ult.kz tilshisi QazAqparat agenttigine silteme jasap.
Onyń atap ótýinshe, bastapqyda Májilis depýtattary atalǵan zańǵa engizilýi tiisti 120-dan astam túzetýdi qarastyrǵan. Nátijesinde onyń 55-i qalyp otyr.
«Óitkeni, túzetýlerdiń birazyn depýtattardyń ózderi keri qaitaryp aldy. Jumys tobynyń talqylaýy barysynda da túzetýlerdiń birqatary qabyldanǵan joq», - dedi Qanat Mýsin.
Depýtattyń aitýynsha, zańda jol júrisi erejesin buzǵany úshin ákimshilik aiyppuldardy azaitý, qujattardy tekserý barysynda kólik júrgizýshige foto jáne beinetúsirilim jasaýǵa ruqsat berý, kúndizgi ýaqytta eldi mekender ishinde júrgen kezde kóliktiń jaqyn jaryǵyn qosý mindeti alyp tastaý, ishki ister organdarynyń qyzmetkerleri toqtatqan jaǵdaida onyń ruqsatynsyz jolaýshylardyń kólikten shyǵýǵa tyiymdy alyp tastaý, júrgizýshi kýáliginiń jaramdylyq merzimi ótip ketken jaǵdaida qaita emtihan tapsyrý talabyn alyp tastaý kózdelgen.
