Júrgizýshi kýáligin alatyn qazaqstandyqtar alǵashqy meditsinalyq kómek kórsetý kýrsynan ótýge mindetteledi. Bul týraly búgin densaýlyq saqtaý ministri Eljan Birtanov aitty, dep habarlaidy Sputnik Qazaqstan.
Densaýlyq saqtaý ministrligi azamattardy júrgizýshi kýáligin alǵan kezde, alǵashqy kómek kórsetý daǵdylaryn meńgerýdi mindetteýdi kózdep otyr. Bul jańashyldyq "Halyq densaýlyǵy" týraly kodekstiń jańa redaktsiiasynda jazylǵan.
"Kólik júrgizý kýáligin alý úshin alǵashqy meditsinalyq kómek kýrsynan ótip, sertifikat alýy qajet. Júrgizýshi kýáligi tek sodan keiin beriledi. Sebebi, statistikaǵa kóz júgirtsek, jol apaty bolǵan kezde, azamattarymyzdyń 60 protsentke jýyǵy alǵashqy meditsinalyq kómekke muqtaj bolady. Alaida, ókinishke qarai, qazir zardap shekkenderge járdem bere alatyndar 3-5 protsentten aspaidy", - dep túsindirdi Birtanov májiliste zań jobasyn tanystyrǵannan keiin.
Aitýynsha, standartty kýrstar barlyq óńirde jedel járdem stansalary, sanitarlyq aviatsiia ortalyqtary jáne meditsinalyq oqý oryndary bazasynda uiymdastyrylǵan. Iaǵni, meditsinalyq kómek daǵdylaryn meńgerip, sertifikat alýǵa bolady.
Densaýlyq saqtaý ministrliginiń aqparatynsha, Qazaqstanda jol apatynan zardap shekkenderdiń 84,5%-i aýrýhanaǵa jetpei kóz jumady eken. Al EYDU elderinde bul kórsetkish shamamen 50%-ti quraidy.
