جٷرگٸزۋشٸ كۋەلٸگٸن الاتىن قازاقستاندىقتار العاشقى مەديتسينالىق كٶمەك كٶرسەتۋ كۋرسىنان ٶتۋگە مٸندەتتەلەدٸ. بۇل تۋرالى بٷگٸن دەنساۋلىق ساقتاۋ مينيسترٸ ەلجان بٸرتانوۆ ايتتى, دەپ حابارلايدى Sputnik قازاقستان.
دەنساۋلىق ساقتاۋ مينيسترلٸگٸ ازاماتتاردى جٷرگٸزۋشٸ كۋەلٸگٸن العان كەزدە, العاشقى كٶمەك كٶرسەتۋ داعدىلارىن مەڭگەرۋدٸ مٸندەتتەۋدٸ كٶزدەپ وتىر. بۇل جاڭاشىلدىق "حالىق دەنساۋلىعى" تۋرالى كودەكستٸڭ جاڭا رەداكتسيياسىندا جازىلعان.
"كٶلٸك جٷرگٸزۋ كۋەلٸگٸن الۋ ٷشٸن العاشقى مەديتسينالىق كٶمەك كۋرسىنان ٶتٸپ, سەرتيفيكات الۋى قاجەت. جٷرگٸزۋشٸ كۋەلٸگٸ تەك سودان كەيٸن بەرٸلەدٸ. سەبەبٸ, ستاتيستيكاعا كٶز جٷگٸرتسەك, جول اپاتى بولعان كەزدە, ازاماتتارىمىزدىڭ 60 پروتسەنتكە جۋىعى العاشقى مەديتسينالىق كٶمەككە مۇقتاج بولادى. الايدا, ٶكٸنٸشكە قاراي, قازٸر زارداپ شەككەندەرگە جەردەم بەرە الاتىندار 3-5 پروتسەنتتەن اسپايدى", - دەپ تٷسٸندٸردٸ بٸرتانوۆ مەجٸلٸستە زاڭ جوباسىن تانىستىرعاننان كەيٸن.
ايتۋىنشا, ستاندارتتى كۋرستار بارلىق ٶڭٸردە جەدەل جەردەم ستانسالارى, سانيتارلىق اۆياتسييا ورتالىقتارى جەنە مەديتسينالىق وقۋ ورىندارى بازاسىندا ۇيىمداستىرىلعان. ياعني, مەديتسينالىق كٶمەك داعدىلارىن مەڭگەرٸپ, سەرتيفيكات الۋعا بولادى.
دەنساۋلىق ساقتاۋ مينيسترلٸگٸنٸڭ اقپاراتىنشا, قازاقستاندا جول اپاتىنان زارداپ شەككەندەردٸڭ 84,5%-ٸ اۋرۋحاناعا جەتپەي كٶز جۇمادى ەكەن. ال ەىدۇ ەلدەرٸندە بۇل كٶرسەتكٸش شامامەن 50%-تٸ قۇرايدى.
