Ulttyq ǵylymi kardioxirýrgiialyq ortalyq mamandary álem boiynsha alǵash ret taǵy bir sátti operatsiiany jasady. Onyń basty ereksheligi sol, adamnyń júregine symsyz qanainalym qurylǵysy ornatyldy, dep xabarlaidy QazAqparat.
Ortalyq basshysy Iýrii Pianyń aitýynsha, júrektiń sol jaq qarynshasynyń kómekshi qurylǵysy adamǵa erkin qozǵalýǵa múmkindik beredi. Sebebi syrtqa eshqandai kabelder shyǵarylmaidy. Al qanainalym qurylǵysyn zariadtaý ońai, onyń qýaty 8 saǵatqa jetedi. Biregei operatsiia 24 jastaǵy Ismail Tursynovqa jasaldy.
«Men ony ǵaryshqa ushqan kosmonavtqa teńeitin edim. Sebebi oǵan álem boiynsha alǵash ret innovatsiialyq qurylǵyny ornatý operatsiiasy jasaldy. Naýqas bolyp túskende ol óz bólmesinen shyǵa almaityn, qatty demikpesi boldy. Sol sebepti únemi dárigerlerdiń baqylaýynda júrdi. Qazir jaǵdaiy jaqsy, dalada qydyrady, sport zalda jattyǵady, tipti, basseinge de túse alady», - dedi Iu.Pia Astanada ótken baspasóz máslixatynda.
Innovatsiialyq qurylǵy Izrailde jasalǵan. Onyń qyzmeti kádimgidei kardiostimýliatormen birdei. Biraq eshqandai symdary joq. Sonyń arqasynda erkin qozǵalyp, salaýatty ómir saltyn ustanýǵa tolyq múmkindik bar.
«Buryn deneden sym shyǵatyn jerde bakteriialar jinalatyn, ol jerdi únemi emdep otyrý qajet. Al jańa qurylǵyda ondai symdar joq. Úlken sómkeni birge alyp júrýdiń qajeti de shamaly. Adam eshbir kedergisiz júre alady, dýshqa túse alady jáne taǵysyn taǵy. Atalǵan apparat adamnyń aǵzasyna tolyǵymen ornatylady. Sonyń nátijesinde ómir súrý sapasy da jaqsarady», - deidi doktor Mandip Mexra.
Jańa apparattyń batareiasy keýdeniń ishinde sol jaqta ornatylǵan. Ony arnaiy belbeý arqyly magnittik tolqynmen zariadtaidy. Al arnaiy qolsaǵat júrektiń soǵýyn, qannyń qysymyn jáne taǵy basqa málimetterdi kórsetip turady. Iu.Pianyń sózine qaraǵanda, alǵashqy operatsiiadan keiin Ismail Tursynov dárigerlerdiń baqylaýynda bolady. Bári sátti bolsa, jańa texnologiianyń kýáligin alý josparlanǵan. Sodan keiin ony tegin meditsinalyq kómektiń sanatyna qosýǵa bolady. Sol kezde innovatsiialyq qurylǵyny qazaqstandyqtarǵa tegin ornatýǵa múmkindik bar.
.jpeg)