2019 jylǵy shildede Qazaqstanda jumyssyz júrgen 440,9 myń adam tirkelgen, bul jumys kúshi sanynyń 4,8%-yn quraidy (maýsymda 4,8%). Mundai derekti QR UEM Statistika komiteti jariia etti, dep habarlaidy "Ult aqparat".
Resmi derek boiynsha, osy jyldyń shilde aiynyń sońynda QR jumyspen qamtý organdarynda jumyssyz retinde 172,7 myń adam nemese eldiń ekonomikalyq belsendi halyq sanynan 1,9%-y resmi túrde tirkelgen.
Jasyryn jumyssyzdyq deńgeii 2019 jyldyń sáýir-maýsymynda jumys kúshi sanynyń 0,3 paiyzyna (30,4 myń adam) teń boldy.
Osy jyldyń shildesinde respýblikanyń ekonomikasynda 8,8 mln adam jumyspen qamtylǵan.
Eńbekke tartylǵan halyqtyń arasynda 6,7 mln adam (jumyspen qamtylǵandardyń jalpy sanynan 76,1 paiyzy) jaldamaly eńbek etedi.
