2020 jyldyń qańtar-tamyzynda jumyskerdi jazataiym oqiǵadan mindetti saqtandyrý segmentinde jinalǵan syiaqy kólemi 26,8 mlrd teńgeni qurady, dep habarlaidy "Ult aqparat" ranking.kz portalyna silteme jasap.
2020 jyldyń qańtar-tamyzynda jumyskerdi jazataiym oqiǵadan mindetti saqtandyrý segmentinde jinalǵan syiaqy kólemi 26,8 mlrd teńgeni qurap, ótken jyldyń dál osyndai kezeńimen salystyrǵanda 2,8 paiyzǵa ósti. Mindetti saqtandyrý boiynsha syiaqynyń jiyntyq kólemindegi segment úlesi 32 paiyzdan 33,4 paiyzǵa artty. Bul rette esepti kezeń ishinde sektordaǵy saqtandyrý tóleminiń kólemi 17 paiyzǵa, 3 mlrd teńgege qysqaryp otyr. Mindetti saqtandyrý boiynsha barlyq tólemderdegi úlesi 15,9 paiyzda 13,9 paiyzǵa deiin kemidi.
Jumyskerdi jazataiym oqiǵadan mindetti saqtandyrý segmentinde jinalǵan syiaqylardyń jartysyna jýyǵy ómirdi saqtandyrý jónindegi 2 kompaniiaǵa ǵana tiesili: «NOMAD Life» (6,7 mlrd teńge, 1 jyl burynǵy kórsetkishten 16,8 paiyzǵa tómen) jáne «Halyk-Life» (6,3 mlrd teńge, 1 jylda minýs 28,4 paiyz).
Syiaqy kóleminiń eń joǵary ósimin jyl ishinde 42,6 paiyz oń nátije kórsetip, 4,3 mlrd teńgege jetkizgen «Eýraziia» ómirdi saqtandyrý kompaniiasy kórsetip otyr.
Aita keterligi, 2019 jyly eńbek qyzmetimen bailanysty jazataiym oqiǵadan 1921 adam zardap shegip, 190 adam qaza tapty.
