Qazaqstannyń birqatar zańnamalyq aktilerine eńbek máseleleri boiynsha ózgerister men tolyqtyrýlar engiziledi, dep habarlaidy QazAqparat.
Bul týraly QR Parlamenti Májilisi Áleýmettik-mádeni damý komitetiniń hatshysy Beibit Mamraev Májilistiń jalpy otyrysynda aitty.
Onyń aitýynsha, «QR keibir zańnamalyq aktilerine eńbek máseleleri boiynsha ózgerister men tolyqtyrýlar engizý týraly» zań jobasy týraly qorytyndy ázirlenip jatyr.
«Zań jobasynda jumyskerlerge laiyqty eńbek jáne turmys jaǵdailaryn jasaý boiynsha jumys berýshiniń mindetteri men jaýapkershiligin arttyrý, kórsetilgen kezeńge jalaqysy saqtalmaityn demalys berý jónindegi jumys berýshiniń mindetterin tolyqtyra otyryp, merzimdi áskeri qyzmet atqarý kezeńinde azamattardyń jumys ornyn saqtaý, eńbek sharttaryn jasaý men esepke alýdy jáne jumys berýshi qyzmetin QR Eńbek zańnamasynyń talaptaryna sáikestigin deklaratsiialaýdy avtomattandyrý kózdelgen», - dedi B. Mamraev.
Ózgerister men tolyqtyrýlar 4 zańnamalyq aktige, 2 kodekske jáne 2 zańǵa engiziledi.
«Komitet osy zań jobasyn jumysqa alýǵa jáne ol boiynsha 2019 jylǵy 25 jeltoqsanǵa deiingi merzimde qorytyndy ázirleýge daiyn. Qoldaýlaryńyzdy suraimyn», - dedi komitet hatshysy.
