Foto: ashyq derekkóz
2025 jyldyń 23 maýsymynda mýzykalyq «JULDYZDY JOL 2025» jańa jobasynyń túsirilimi bastalady. Bul joba jas talanttardyń sahnada óner kórsetip, elge tanylýyna múmkindik beredi, dep habarlaidy Ult.kz.
Úsh apta ishinde uiymdastyrýshylar eldiń túkpir-túkpirinen 354 ótinim qabyldady. Qatysýshylar ishinde mektep oqýshylary, stýdentter, daryndy jas mýzykanttar bar. Jobaǵa vokal sanaty boiynsha 204 ótinim kelip túsken.
Klassikalyq aspaptar boiynsha – 81, al halyq aspaptary baǵytynda – 69 ótinim tirkeldi.
Irikteý birneshe kezeń boiynsha ótti. Mamyr aiynda qatysýshylar onlain tyńdaýǵa qatysyp, olardyń ónerin salanyń kásibi mamandary baǵalady. Synnan sátti ótken qatysýshalar arnaiy lagerge jiberildi.
Ónerpazdar qazir Almaty qalasyna kelip, daiyndyqty bastap ketti.
Jańa maýsymnyń televiziialyq tusaýkeseri 2025 jyldyń qazan aiyna, kúzgi telemaýsymǵa josparlanǵan. Kórermen qatysýshynyń jasaǵan alǵashqy qadamynan sahnaǵa deiingi jolyna kýá bolady. Jas ártistermen Qanat Omarov, Abylai Tilepbergen jáne Nurgúl Nuǵmanova sekildi tanymal mamandar jumys isteidi. Olar úzdikterdi tańdaýǵa kómektesip, tálimgerlik etedi.
