Foto: elements.envato.com
Indýstriia jáne infraqurylymdyq damý ministri Qaiyrbek Óskenbaev eksporttyq jáne tranzittik júkterdi tasymaldaýdyń balamaly baǵyttaryn ázirleý jospary týraly aitty, - dep habarlaidy Tengrinews.kz.
"Qazir qazaqstandyq júkterge eshqandai shekteý joq, bizdiń júkterimiz Resei aýmaǵy arqyly ótedi, Latviia Respýblikasynyń porttary qazaqstandyq júkterdi qabyldaidy, sodan ary qarai jóneltedi.
Sonymen qatar, buryn qurylǵan baǵyttar – Transkaspii halyqaralyq kólik magistrali pysyqtalyp jatyr. Biz ony jańǵyrttyq, buryn Resei arqyly arzanyraq bolatyn, endi balama retinde basqa baǵyttardy qarastyryp jatyrmyz", - dedi ministr Úkimet otyrysynan keiin.
Onyń aitýynsha, bul baǵytqa qosylǵan Ázerbaijan, Grýziia jáne Túrkiia elderimen kelisim jasalyp, qazaqstandyq júktiń bir bóligi qazirdiń ózinde osy baǵytta jóneltilip jatyr.
"Bul baǵyt júkti qabyldaýǵa daiyn. Búginde Aqtaý men Quryq porttary tolyq júktelmegen, sondyqtan olar 10 million tonnaǵa deiingi júkterdi erkin qabyldai alady, josparlap jatyrmyz. Bul baǵytta ońai tasymaldaýǵa bolady", - dedi ministr.
