Foto: ©️ Tengrinews.kz / Álihan Sariev
Qazaqstanda jeke sáikestendirý nómirin (JSN) alý tártibin ózgertý josparlanyp otyr, - dep habarlaidy Tengrinews.kz saity.
IIM "Qazaqstan Respýblikasynda ýaqytsha bolatyn sheteldikter men azamattyǵy joq adamdarǵa jeke sáikestendirý nómirin qalyptastyrý jáne túzetý "Memlekettik qyzmet kórsetý qaǵidalaryn bekitý týraly" buiryqty talqylaýǵa shyǵardy.
Ministrlik bastama jasaǵan jańa erejelerge sáikes sheteldikter JSN-dy elektrondyq úkimet portaly arqyly resimdei almaidy. JSN rásimdeý úshin olar kelgen orny boiynsha HQKO-ǵa jeke baryp, ótinish berýi qajet.
Kórsetiletin qyzmetti alýshy qyzmet kórsetý ortalyǵynyń qyzmetkerine júgingen kezde ol:
- kórsetiletin qyzmetti alýshynyń jeke basyn sáikestendirý;
- qujattarda kórsetilgen málimetterdiń durystyǵyn tekserý;
- Halyqqa qyzmet kórsetý ortalyǵynyń integratsiialanǵan aqparattyq júiesinde (IAJ) ótinishti toltyrý.
"Qazaqstan Respýblikasy sotynyń úkimi boiynsha bas bostandyǵynan aiyrýǵa sottalǵan sheteldikterde, azamattyǵy joq adamdarda jáne mártebesi rettelmegen adamdarda jeke basyn kýálandyratyn qujattar bolmaǵan kezde osy qaǵidalarǵa qosymshaǵa sáikes ótinish memlekettik qyzmetti alý úshin negiz bolyp tabylady", - delingen qujatta.
Eger sheteldik HQKO-da qujattardyń tolyq emes paketin nemese qoldanylý merzimi ótken qujattardy usynsa, oǵan qujattardy qabyldaýdan bas tartylady jáne Memlekettik qyzmet kórsetýden bas tartý týraly qolhat beriledi.
