Qazaqstanda JRVI-men aýyrý kórsetkishi 3 paiyzǵa azaidy. Bul týraly QR Densaýlyq saqtaý ministri Eljan Birtanov aitty, dep habarlaidy "Ult aqparat".
«Bizde epidemiologiialyq maýsym kúzde bastalyp, kóktemge deiin jalǵasady. 2019 jylydń 3 qazany men 2020 jyldyń 25 naýryzy aralyǵyn biz arnaiy bóle qarastyrdyq jáne JRVI-diń 395 myń jaǵdaiyn tirkedik. Bul adamdardyń aýrýhanalarǵa júgingen, qiyn jaǵdaiǵa tap bolǵan kezde tirkelgenderi ǵana. Buǵan qosa, mundai derekti statistikalyq qyzmet te júrgizedi. 2018-2019 jyldardaǵy dál osyndai kezeńmen salystyrar bolsaq, JRVI-ge shaldyǵý jaǵdailary 3 paiyzǵa tómendep otyr. Qazirgi epidemiologiialyq maýsymda JRVI bolǵandardyń sany bir jyl burynǵy derektermen birdei desek te bolady. Qandai da bir órshý bolǵan jaǵdaida jekemenshik meditsinalyq jáne vedomstvolyq uiymdar ony tirkeitin edi», - dedi ministr zakon.kz portalynyń Instagram paraqshasynda bergen suhbatynda.
Sonymen qatar ol halyqaralyq kelisimderge jáne halyqaralyq meditsinalyq-sanitarlyq erejelerge sáikes árbir el, onyń ishinde Qazaqstanda epidemiologiialyq qadaǵalaý júrgizetinin basa aitty.
