Biyl 1 qazannan bastap el boiynsha millionnan asa JRVI jaǵdaiy tirkeldi. Bul týraly Densaýlyq saqtaý vitse-ministri - bas memlekettik sanitariia dáriger Aijan Esmaǵambetova aitty, - dep habarlaidy Tengrinews.kz.
Onyń aitýynsha, Qazaqstannyń barlyq aimaǵy koronavirýs boiynsha "jasyl" aimaqta, al kún saiyn 70-ke deiin juqtyrý jaǵdaiy tirkeledi.
"Koronavirýs infektsiiasynyń turaqty jaǵdaiyna qaramastan, biz JRVI men tumaýdyń kezekti ósý satysynda turmyz, JRVI men tumaýdyń taraý túri de, aldyn alý sharalary da birdei.
Sonymen qatar, búgingi tańda qalyptasyp otyrǵan jaǵdaidy sipattaityn bolsaq, 1 qazannan beri JRVI-diń millionnan asa jaǵdaiy tirkeldi", - dedi Esmaǵambetova Ortalyq sailaý komissiiasynyń otyrysynda.
Elimizdiń bas sanitariia dárigeri tumaýmen aýyrǵan 1000-nan asa jaǵdai zerthanalyq tekserýler arqyly rastalǵanyn qosty.
"Sonymen qatar, biylǵy epidemiologiialyq maýsymda tumaýdyń ainalymy ádettegiden erte bastalyp, búginde A jáne V tumaýynyń eki túri de tirkelgenin atap ótken jón", - dep túiindedi Esmaǵambetova.
