QR Prezidenti Qasym-Jomart Toqaev joǵary oqý oryndaryn ligalarǵa bólip, básekelestikti arttyrýdy usyndy, dep habarlaidy "Ult aqparat".
«Biliktilik talaptaryn kúsheitý arqyly pedagogikalyq mamandyqtar boiynsha kadr daiarlaityn joǵary oqý oryndary men kolledjderdiń beiimdenýin qamtamasyz etý qajet. Jalpy, muǵalimder arnaiy ýniversitetterde oqytylyp, ázirlenýi kerek», - dedi Memleket basshysy Ulttyq qoǵamdyq senim keńesiniń onlain formattaǵy 3-otyrysynda.
Prezident bul baǵytta Bilim jáne ǵylym ministrliginiń tiisti sheshim qabyldaryna senim bildirdi.
Negizinde, ýniversitetterimizdiń fýtboldaǵydai shartty túrde ligalarǵa bólinýin qoldaimyn. Óitkeni fýtboldaǵydai 1,2,3 ligalarǵa bólinip, bir-birimen jarysyp, básekelese alar edi. Jalpy alǵanda bilim berý, ekonomika nemese basqa da salalarda báseke qarqyndy damýǵa jol ashyp, yntalandyra túsedi», - dedi Qasym-Jomart Toqaev.
Aita keteiik, QR Prezidenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń úshinshi otyrysy ótti. Kezekti otyrys adami kapitaldy damytýǵa, atap aitqanda, bilim berý, densaýlyq saqtaý máselelerine arnalǵan.
